జుట్టు రాలుతుందా.? పోషకాలు, విటమిన్లతో నివారించవచ్చు తెలుసా.?

జుట్టు రాలడం అనేది ఒక సాధారణ సమస్య. అయితే జుట్టు రాలిన వాడికి మాత్రమే దాని బాధ అర్థమవుతుంది. చాలా మట్టుకు ఈ సమస్యను ఎదుర్కొనేవారు తొలిదశలో బయటకు వచ్చేందుకు కూడా జంకుతారు. దాదాపు 80 శాతం మంది పురుషులు ఈ సమస్యను ఎదుర్కోంటున్నారు. అయితే జుట్టు రాలడం అనే సమస్య కేవలం మగవారికే పరిమితమా అంటే అది ఒకప్పుడు అనే చెప్పాలి. మారుతున్న కాలంతో పాటు పెరుగుతున్న కాలుష్యం ధాటికి మహిళలు కూడా జట్టు రాలే సమస్యను తీవ్రంగానే ఎదుర్కోంటున్నారు. ప్రస్తుతం ప్రపంచవ్యాప్తంగా సుమారు 50 శాతం మంది మహిళలు తమ జీవితకాలంలో జుట్టు రాలే సమస్య బారిన పడుతున్నారు. జన్యుశాస్త్రం, వృద్ధాప్యం, హార్మోన్ల అసమతుల్యత, ఒత్తిడి, కొన్ని వైద్య పరిస్థితులు వంటి అనేక కారణాల వల్ల ఈ పరిస్థితులు సంభవించవచ్చు. జుట్టు రాలిపోయే సమస్యకు చేసే చికిత్సలో పోషక పదార్ధాలు సాధారణంగా ఉపయోగిస్తారు. అయిన్నప్పటికీ, వాటి ప్రభావం, భద్రతపై పరిమిత డేటా ఉంది.

జుట్టు రాలే సమస్య రకాలు:

జుట్టు రాలడంలో కూడా పలు రకాలు ఉంటాయన్న విషయం మీకు తెలుసా.? ఔనా అంటూ ఆశ్చర్యపోతున్నారా.? కానీ ఇది నిజం. వాటిలో అత్యంత సాధారణ రకం ఆండ్రోజెనిక్ అలోపేసియా, ఇది ఎక్కువగా మగవారిలో కనిపిస్తుంది. దీనినే మగ-నమూనా బట్టతల అంటారు. అయితే ఇది మహిళల్లో తక్కువగా కనిపిస్తుంది. దానిని స్త్రీ-నమూనా బట్టతల అని కూడా అంటారు. టెస్టోస్టెరాన్ ఉప ఉత్పత్తి అయిన డైహైడ్రోటెస్టోస్టెరాన్ (DHT) హార్మోన్ పెరుగుదల వల్ల ఈ రకమైన జుట్టు రాలడం జరుగుతుంది. పురుషులలో, జుట్టు రాలడం సాధారణంగా నుదురు చివర్లలో వద్ద ప్రారంభమై తల వైపుకు గుండ్రంగా ఆక్రమిస్తుంది. ఇక కొందరిలో నుదర్ల చివరి నుంచి మాడు, సుడులకు పాకుతూవచ్చి, అలా అభివృద్ధి చెందుతూ ఆయా ప్రాంతాల్లో జుట్టును పల్చబర్చడం లేదా పూర్తిగా రాల్చేస్తుంది. మహిళల్లో, ఇది సాధారణంగా తల పైభాగంలో ప్రారంభమై.. క్రమంగా వైపులకు పురోగమిస్తుంది.

ఇక ఇతర రకాల జుట్టు రాలడంలో అలోపేసియా అరేటా, టెలోజెన్ ఎఫ్లూవియం ఉన్నాయి. అలోపేసియా అరేటా అనే జుట్టు రాలే సమస్య ఆయా వ్యక్తుల స్వయం ప్రతిరక్షక రుగ్మత కారణంగా ఏర్పడుతుంది. ఈ రకం జుట్టు రాలిపోయే సమస్యను ఎదుర్కొనేవారిలో జుట్టు మాడు, సుడి ప్రాంతాలతో పాటు పిలక ప్రాంతంలోనూ అతుకులుగా రాలడానికి కారణంగా మారుతుంది. ఇక టెలోజెన్ ఎఫ్లూవియం అనే జుట్టు రాలే సమస్యను ఎదుర్కొనేవారిలో ఇది జుట్టు రాల్చేస్తుంది.

జుట్టును బలోపేతం చేసే పోషక పదార్ధాలు, విటమిన్లు

జుట్టును బలోపేతం చేయడంపై 30 పూర్వ మానవ అధ్యయనాల నుండి సేకరించిన సమాచారాన్ని క్రోడీకరించిన జరిపిన సమీక్షలో జుట్టుకు పోషక పదార్థాలతో పాటు అవసరమైన విటమిన్లను అందజేయడం వల్ల కొన్ని రకాల జుట్టు రాలడాన్ని సమర్థవంతంగా అడ్డుకోవచ్చని తెలింది. జుట్టు రాలిపోయే సమస్యను చికిత్సలోనూ ఈ పోషక పదార్థాలతో పాటు విటమిన్లు సాయం చేయగలవని అధ్యయనాలు సూచిస్తున్నాయి తాజా సమీక్ష స్పష్టం చేస్తున్నాయి. పోషక పదార్థాలు, విటమిన్ల వినియోగంతో చికిత్సను అందిస్తే సాధారణంగా భరించదగిన దుష్ప్రభావాలను కలిగి ఉంటాయి. అయితే ఈ అధ్యయనాలు పరిమిత సంఖ్యలోని వ్యక్తులపైనే నిర్వహించారని, అయితే వీరిలోనే ఒక్కోక్కరిలో ఒక్కో విధంగా డీజైన్లలో వైవిధ్యాన్ని చూపించాయని అధ్యయనాలు స్పష్టం చేస్తున్నాయి. ఇక అత్యధిక సంఖ్యలో భిన్నవర్గాలకు చెందిన ప్రజలపై క్లినికల్ ట్రయల్స్ నిర్వహించిన పక్షంలో విషయాలపై స్పష్టమైన అవగాహన లభిస్తుందని అధ్యయనాలు సూచిస్తున్నాయి. జుట్టు రాలడాన్ని నయం చేసే సామర్థ్యం కోసం అధ్యయనం చేసి కనుగొన్న కొన్ని పోషక పదార్ధాలు, విటమిన్లు ఇవే:

విటమిన్ ఎ

విటమిన్ ఎ జట్టు పెరుగుదలకు ఉపయోగపడే పోషకం. అంతేకాదు ఇది వాపును తగ్గించడానికి, జుట్టు పెరగడానికి, దాని సామర్థ్యాన్ని పెంచేందుకు సాయపడుతుందని అధ్యయనం స్పష్టం చేస్తుంది. అలోపేసియా అరేటాతో బాధపడుతున్న రోగులపై జరిపిన ఒక అధ్యయనంలో, రెటినోయిడ్ (విటమిన్ ఎ)మాత్రలను తీసుకోవడం ద్వారా బాధితులు జుట్టు తిరిగి పెరగడం మెరుగుపడిందని కనుగొనబడింది, సగటు జుట్టు సాంద్రతను బేస్‌లైన్ నుండి 12 నెలల చికిత్సతో పూర్తిగా పెరిగిందని అధ్యయనం పేర్కోంది.

విటమిన్ బి కాంప్లెక్స్

బి కాంప్లెక్స్ విటమిన్లు జుట్టు పెరుగుదలను మెరుగుపరచడానికి, జుట్టు రాలడాన్ని తగ్గించడానికి, వాటి సామర్థ్యం పెంచడం కోసం అధ్యయనం చేయబడ్డాయి. ఆండ్రోజెనెటిక్ అలోపేసియాతో బాధపడుతున్న మహిళలపై జరిపిన ఒక అధ్యయనంలో బయోటిన్, విటమిన్ బి5, జింక్‌ల కలయికతో భర్తీ చేయడం జుట్టు సాంద్రత పెరుగుదలతో ముడిపడి ఉందని కనుగొంది, 6 నెలల చికిత్స తర్వాత అత్యధిక ప్రభావం కనిపించింది.

విటమిన్ సి

విటమిన్ సి హెయిర్ ఫోలికల్ గ్రోత్‌ను ఉత్తేజపరిచేందుకు, జుట్టు రాలడాన్ని తగ్గించడానికి దాని సామర్థ్యం పెంచడం కోసం అధ్యయనం చేయబడింది. టెలోజెన్ ఎఫ్లువియమ్ ఉన్న రోగులపై జరిపిన ఒక అధ్యయనంలో విటమిన్ సితో సప్లిమెంట్ తీసుకోవడం వల్ల జుట్టు రాలడం తగ్గిందని, అంతేకాకుండా జుట్టు పెరుగుదల కూడా కనిపించిందని అధ్యయన వివరాలు స్పష్టం చేస్తున్నాయి.

జింక్

జింక్ జుట్టు రాలడాన్ని తగ్గించడానికి, జుట్టు పెరుగుదలను పెంచడంతో పాటు దాని సామర్థ్యాన్ని కూడా పెంచేందుకు సాయం చేస్తాయని అధ్యయనం స్పష్టం చేస్తుంది. అలోపేసియా అరేటా ఉన్న రోగులపై జరిపిన ఒక అధ్యయనంలో జింక్ సల్ఫేట్‌తో కూడిన మాత్రలను ఇవ్వడం ద్వారా బాధితుల్లో జుట్టు రాలడం తగ్గిందని, అంతేకాకుండా జట్టు వత్తుగా పెరిగిందని, సాంద్రత పెరగడంతో బాధితుల్లో సంతోషం వ్యక్తమైందని అధ్యయనాలు పేర్కోన్నాయి.

ఐరన్

ఐరన్ లోపం వల్ల జుట్టు రాలిపోయే ప్రమాదం ఎక్కువగా ఉంటుందన్న విషయం చాలా మంది అరోగ్య నిపుణులు చెబుతున్న విషయమే. ఈ క్రమంలోనే ఇలాంటి బాధితులకు ఐరన్‌తో సప్లిమెంట్ ఇవ్వడం వల్ల జుట్టు రాలడాన్ని తగ్గించి జుట్టు పెరుగుదలను పెంచవచ్చని కొన్ని అధ్యయనాలు సూచించాయి. ఆండ్రోజెనెటిక్ అలోపేసియాతో బాధపడుతున్న మహిళలపై జరిపిన ఒక అధ్యయనంలో, ఐరన్‌తో సప్లిమెంటరీ జుట్టు పెరుగుదలతో ముడిపడి ఉందని కనుగొన్నారు.

బయోటిన్

బయోటిన్ అనేది ఒక బి విటమిన్, ఇది జుట్టు పెరుగుదలను ఉత్తేజపరిచేందుకు, దానిని రాలనీయకుండా నివారించడానికి, జుట్టు సామర్ధ్యం పెంచడం కోసం తీసుకునే పోషక పదార్థం. ఆండ్రోజెనెటిక్ అలోపేసియా ఉన్న మహిళలపై జరిపిన ఒక అధ్యయనంలో బయోటిన్‌తో అనుబంధం జుట్టు పెరుగుదలతో ముడిపడి ఉందని కనుగొంది.

సా పామెట్టో

సా పామెట్టో అనేది ఒక మొక్క సారం, ఇది జుట్టు పల్చబడడాన్ని తగ్గించడానికి, జుట్టు పెరుగుదలను మెరుగుపరచడానికి, జుట్టు సామర్థ్యాన్ని పెంచడం కోసం వినియోగిస్తారని అధ్యయనాలు స్పష్టం చేస్తున్నాయి. ఆండ్రోజెనెటిక్ అలోపేసియాతో బాధపడుతున్న రోగులపై జరిపిన ఒక అధ్యయనంలో, సా పామెట్టోతో చేసిన పదార్థాలను బాధితులకు ఇవ్వడం ద్వారా జుట్టు సాంద్రత పెరుగుదలతో పాటు రాలడం కూడా తగ్గిందని తేలిందని కనుగొన్నారు.

కొల్లాజెన్

కొల్లాజెన్ అనేది ఒక ప్రోటీన్. ఇది జుట్టు సన్నబడటాన్ని తగ్గించడానికి, జుట్టు పెరుగుదలను మెరుగుపరచడానికి, దాని సామర్థ్యం పెంపోందించనుందని అధ్యయనాలు స్పష్టం చేస్తున్నాయి. ఆండ్రోజెనెటిక్ అలోపేసియా ఉన్న రోగులపై జరిపిన ఒక అధ్యయనంలో కొల్లాజెన్‌తో భర్తీ చేయడం వల్ల జుట్టు పెరుగుదలలో గణనీయమైన సంబంధం ఉందని కనుగొన్నారు.

ఒమేగా-3 ఫ్యాటీ యాసిడ్స్

ఒమేగా -3 కొవ్వు ఆమ్లాలు వాపును తగ్గించే గుణాలు ఉన్నాయని అధ్యయనాలు స్పష్టం చేస్తున్నాయి. ఇవి జట్టుకు పటుత్వాన్ని అందించడంతో పాటు తలపై వాపును నివారిస్తాయి. తద్వారా జుట్టు పెరుగుదలను పెంపొందించడానికి, జట్టు సామర్థ్యం ధృఢంగా మార్చగలవని అధ్యయనాలు పేర్కోన్నాయి. అలోపేసియా అరేటా ఉన్న రోగులపై జరిపిన ఒక అధ్యయనంలో ఒమేగా-3 ఫ్యాటీ యాసిడ్స్‌తో జుట్టురాలుతున్న బాధితుడికి చికిత్స చేయడం వల్ల వెంట్రుకల పెరుగుదల గుణాత్మక మార్పులు సంభవించాయని కనుగొన్నారు.

హెర్బల్ సప్లిమెంట్స్

జిన్‌సెంగ్, గ్రీన్ టీ, గుమ్మడికాయ గింజల సారం వంటి హెర్బల్ సప్లిమెంట్‌లు జుట్టు పలుచబడటాన్ని తగ్గించడానికి, జుట్టు పెరుగుదలను మెరుగుపరిచేందుకు వాటి సామర్థ్యాన్ని దృడంగా మర్చేందుకు దోహదపడతాయిని అధ్యయన ఫలితాలు వెల్లడిస్తున్నాయి. ఆండ్రోజెనెటిక్ అలోపేసియాతో బాధపడుతున్న రోగులపై జరిపిన ఒక అధ్యయనంలో జిన్సెంగ్, గ్రీన్ టీ, గుమ్మడికాయ గింజల సారం కలయికతో జుట్టు సాంద్రత పెరుగుదలతో విశేషమైన మార్పులు చోటుచేసుకున్నాయని కనుగొన్నారు.

నివారణ సూచనలు

పోషక పదార్ధాలు, విటమిన్లు తీసుకోవడంతో పాటు, జుట్టు రాలడాన్ని నివారించి.. మళ్లీ జట్టు పెరిగేందుకు దోహదపడతాయని తెలుసు. ఇక వీటితో పాటు జుట్టు రాలడాన్ని తగ్గించడానికి ఇతర చర్యలు కూడా తీసుకోవచ్చు. వాటిలో:

• జుట్టును చాలా గట్టిగా లాగి చేసే విభిన్న హెయిర్ స్టైళ్లకు స్వస్తి పలకడం
• నాణ్యతాభూయిష్టమూన షాంపూ, కండీషనర్ల వినియోగం
• కఠినమైన రసాయన చికిత్సలను నివారించడం
• ఎలాంటి మానసిక ఒత్తిడికి గురికాకుండా ఉండటం

జుట్టు రాలడం అనేది ఒక సాధారణ సమస్య, ప్రపంచవ్యాప్తంగా దాదాపుగా అన్ని వర్గాలకు చెందిన ప్రజలు దీనిని అనుభవిస్తున్నారు. ఇక మహిళల కన్నా పురుషుల్లోనే ఇది ఎక్కువగా ప్రభావం చూపుతుంది. ఒకప్పుడు మహిళల్లో అత్యల్పంగా కనిపించే ఈ సంఖ్య మారుతున్న కాలంతో పాటు పెరుగుతూ వచ్చింది. పురుషుల్లో దాదాపుగా ఎనభై శాతం మంది ఎదుర్కోంటున్న ఈ సమస్యను మహిళల్లోనూ ఏకంగా యాభై శాతానికి చేరింది. జుట్టు రాలడాన్ని చికిత్స చేయడానికి పోషక పదార్ధాలు, విటమిన్లు వినియోగిస్తూ కపాడుకుంటున్నాం. అయితే దీనిపై అపరిమితమైన అధ్యయనాలు జరగాల్సిన అవసరం ఉంది. అవెంటే పైన వ్యాసంలో చూశాం కాబట్టి.. ఇప్పటికైనా జట్టును ఇబ్బందిపెట్టే హెయిర్ స్టైల్ లకు స్వస్తి పలికి.. నాణ్యమైన కండీషనర్లు, షాంపులు వినియోగించి జుట్టును పరిరక్షించుకోవాలని కోరుతున్నాం. అయితే పోషక పదార్థాలు, ప్రోటీన్లు, విటమిన్లు తీసుకుని జట్టు రాలడాన్ని అరికట్టాలని మీరు భావిస్తే ముందుగా వైద్యుడిని అడిగి ప్రారంభించాలని కోరుతున్నాం. దీంతో పాటు కఠినమైన రసాయన చికిత్సలను నివారించడం, ఒత్తిడిని తగ్గించడం వంటివి చేపట్టాలి.