పాలు, పాల ఉత్పత్తులతో దుష్ప్రభావాలు.. అవేంటో తెలుసుకుందామా..

ఈ ప్రపంచంలోకి వచ్చిన తర్వాత శిశువులకు తల్లి ఇచ్చే మొదటి ఆహారం పాలు. తల్లి పాలలో ఎంతటి ఇమ్యూనిటీ దాగి ఉంటుందో ఇప్పటికే మన వైద్యులు, న్యూట్రీషన్లు, డైటీషియన్లు సమాజంలోని తల్లలకు అర్థమయ్యేలా చెప్పారు. వాటితో శిశువుల ఎదుగుదల ఎలా ఉంటుంది.. తరుచు వచ్చే సీజనల్ వ్యాధుల నుండి పాలతో వచ్చిన రోగ నిరోధక శక్తి వారినెలా కాపాడుతుంది అన్న విషయాలు వివరిస్తూనే ఉన్నారు. భూమి మీదకు వచ్చి కళ్లు తెరచిన శిశువులకు తల్లి అందించే తొలి కానుక. అప్పటి నుండి అసాధారణ లక్షణాలు కలిగిన పాలు మన ఆహారంలో ముఖ్యమైన భాగంగా మారాయి.

దీంతో ప్రతిరోజూ పాలు తాగమని మన పెద్దలు బలవంతం చేయడంతో పాటు దానిని మన దైనందిక కార్యాలలో భాగం చేస్తారు. అందుకు కారణం పాలు అత్యంత ఆరోగ్యకరమైనవే కాదు, పోషక విలువలు గణంగా ఉన్నవి కూడా. పాలలో ఖనిజాలు, కాల్షియం, విటమిన్ బి12, విటమిన్ డి, ప్రొటీన్లు, మంచి కొవ్వులు, పొటాషియం, ఫాస్పరస్ అధికంగా ఉండటంతో వాటిని తప్పనిసరిగా తీసుకోవాలని పెద్దలు చెబుతుంటారు. పిల్లల నుండి పెద్దల వరకు ప్రతి ఒక్కరూ ప్రతిరోజూ పాలు తాగాలని కూడా వైద్యులు సిఫార్సు చేస్తారు. పాలు తీసుకోవడం వల్ల రోగనిరోధక శక్తి పెరుగుతుంది, బలమైన ఎముకలను నిర్మించడంలో సహాయపడుతుంది.

అయితే ప్రతీరోజు పెద్ద పరిమాణంలో తీసుకోవడం వల్ల ఒనగూరే మంచిని మించి దుష్ప్రభావాలు కూడా దాగి ఉంటాయన్నది కాదనలేని మాట. పాలతో కూడా అదే జరుగుతుంది. రోజూ ఎక్కువ మోతాదులో పాలు తాగడం వల్ల మీ శరీరంపై ప్రతికూల ప్రభావం పడే అవకాశాలు ఉన్నాయి. పాలు ఎక్కువగా తాగడం వల్ల చిన్న చిన్న ఆరోగ్య సమస్యలు, పెద్ద సమస్యలు కూడా వస్తాయి. ఇది క్యాన్సర్ కు కూడా దారితీసే ప్రమాదం ఉంది. ప్రతిరోజూ మూడు లేదా అంతకంటే ఎక్కువ గ్లాసుల పాలు తాగే మహిళలకు గుండె జబ్బులు వచ్చే ప్రమాదం దాదాపు రెట్టింపు అవుతుంది. మీ ఆరోగ్యానికి పాలు ఎంత మంచిదో.. మోతాదు మించితే అంతే దుష్ప్రభావం కూడా కలుగుతుంది. పాలు అధికంగా తీసుకోవడం వల్ల కలిగే దుష్ప్రభావాలను ఓసారి పరిశీలిద్దాం.

1. ఉబ్బసం జీర్ణ సమస్యలకు కారణమవుతుంది

అధికంగా పాలు తాగడం అనేది తాగేవారితో పాటు ఇతర వ్యక్తులలోనూ అసహనం కనిపించే సంకేతాలను చూపుతుంది. ఎక్కువ పాలు తాగడం వల్ల కడుపు ఉబ్బరం, విరేచనాలు వంటి జీర్ణ సమస్యలతో పాటు తిమ్మిర్లు కూడా వస్తాయి. మీ శరీరం లాక్టోస్‌ను సరిగ్గా విచ్ఛిన్నం చేయలేకపోతే, అది “లీకీ గట్”కి కారణమవుతుంది, అంటే బ్యాక్టీరియా, టాక్సిన్ పదార్థాలు పేగు గోడ ద్వారా లీక్ అయ్యే ప్రమాదం పొంచివుంది. ఇది గ్యాస్‌ ట్రబుల్ సమస్యకు దారి తీస్తుంది, అంతేకాదు ఇది ఇతర జీర్ణ సమస్యలకు కూడా సంభవించవచ్చు. మీరు పాలను తాగినప్పుడు అది మీకు కడుపు నిండిన అనుభూతిని కలిగిస్తుందని మీరు గమనించి ఉండవచ్చు. అందుకే మీరు దీన్ని ఎక్కువగా తీసుకుంటే అది జీర్ణక్రియకు భంగం కలిగిస్తుంది, రక్తప్రవాహంలో కొన్ని ఎంజైమ్‌లను విడుదల చేస్తుంది, ఇది జీర్ణశయాంతర సమస్యలకు దారితీస్తుంది. పరిశోధన ప్రకారం, బోవిన్ పాలు అధికంగా తీసుకోవడం ద్వారా జీర్ణ ఎంజైమ్లలో అసమతుల్యత, ట్రిప్సిన్ అని పిలువబడే పేగు కణాల మధ్య సంబంధాన్ని విచ్ఛిన్నం చేసే ఎంజైమ్ యొక్క అధిక ఉత్పత్తిని కలిగిస్తాయి.

2. వికారంగా అనిపించేలా చేస్తుంది

చాలా మంది వ్యక్తులు పాలు, పాల ఉత్పత్తులను సులువుగా జీర్ణం చేసుకోలేరు, వారికి లాక్టోస్ అసహనం ఉండటమే ఇందుకు కారణం. పాలను జీర్ణం చేసేందుకు మీ శరీరం తగినంత స్థాయిలో ఎంజైమ్‌లు అవసరం ఉంటుంది. కానీ మీ శరీరం వాటిని తగు స్థాయిలో ఉత్పత్తి చేయలేనప్పుడు పాల చక్కెరను (లాక్టోస్) విచ్ఛిన్నం చేయడంలో సహాయపడే ఎంజైములు లేక ఈ వికారం ఏర్పడుతుంది. పెద్దవారిలో 65శాతం మందికి లాక్టోస్ అసహనం ఉందని అమెరికన్ నేషనల్ ఇన్స్టిట్యూట్ ఆఫ్ హెల్త్ తెలిపింది. వికారం అనేది అతి పెద్ద దుష్ప్రభావాలలో ఒకటి. ఒక్కసారికీ ఏవరైనా బలవంతంగా ఇలాంటి లక్షణాలున్నవారిని పాలు, ఐస్ క్రీం లేదా చీజ్‌తో సహా లాక్టోస్‌ను కలిగి ఉన్న ఏదైనా పాల ఉత్పత్తులను తీసుకోమ్మని ఒత్తిడి చేస్తే.. తిన్న తర్వాత వారు వాంతులు చేసుకునే ప్రమాదం కూడా లేకపోలేదు. కాబట్టి మీరు ఏదైనా పాల ఉత్పత్తులను తీసుకుంటున్నప్పుడు జాగ్రత్తగా ఉండండి. మీరు ఇప్పటికీ పాల ఉత్పత్తులను తినాలనుకుంటే, కానీ మీకు లాక్టోస్ అసహనం ఉందని భావిస్తే, లాక్టోస్ లేని పాలు, అల్ట్రా-ఫిల్టర్డ్ పాలు, లాక్టోస్ రహిత పాల పెరుగులను తీసుకోవచ్చు.

3. అలసట అనుభూతి

మీరు ఒక రోజులో ఎక్కువ పాలు తీసుకుంటే అది “పేగుల లీక్”(లీకీ గట్)కి దారితీస్తుంది. పాలు, పాల ఉత్పత్తులలో కనిపించే ప్రప్రథమ లక్షణం ఇది. ఇది పలు సందర్భాలలో కడుపులో మంటకు కూడా దారితీస్తుంది. ఇది గట్ లైనింగ్ యొక్క పారగమ్యతను పెంచుతుంది, అంతేకాదు సూక్ష్మజీవుల సమతుల్యతను కూడా దెబ్బతీసే అవకాశముంది. ఇది మైక్రోబయోమ్ డైస్బియోసిస్‌కు దారి తీస్తుంది, ఇది గట్ బాక్టీరియల్ మైక్రోబయోమ్ శరీరంలో అసమతుల్యత కారణంగా మంచి కంటే చెడు బ్యాక్టీరియా బలోపేతానికి దారితీస్తుంది. దీర్ఘకాలిక అలసట, బద్ధకం వంటి లక్షణాలు పేగుల లీక్ సమస్య ఉన్నవారిలో లక్షణాలుగా తాజా అధ్యయనాలు స్పష్టం చేస్తున్నాయి. తద్వారా అలసట, నీరసానికి దారి తీస్తుంది. అయితే ఈ నిరసం, అలసట విశ్రాంతి తీసుకోవడం ద్వారా తగ్గదు. అందుకే చాలా మంది పాల అలెర్జీలతో బాధపడేవారు ఏ1 మిల్క్, ఏ1 పాల ఉత్పత్తుల బదులుగా ఏ2 పాలు, పాల ఉత్పత్తులను ప్రయత్నించమని వైద్యనిపుణులు సూచిస్తున్నారు. ఈ A2 మిల్క్ వేరియంట్లలో ఏ1 ప్రొటీన్‌ను తొలగిస్తుంది, తద్వారా పాలు అసహనం ఉన్నవారికి ఇది మంచి ప్రత్యామ్నాయం కావచ్చు.

4. చర్మంపై పగుళ్లు

మీరు అధిక పరిమాణంలో పాలను తీసుకుంటే అది మీ ముఖం లేదా చర్మంపై అలెర్జీకి లేదా పగుళ్లకు దారితీయవచ్చు. మీరు ఎరుపు మొటిమల మచ్చలు లేదా దద్దుర్లు చాలా తరచుగా గుర్తించినట్లయితే, మీరు తీసుకునే ఆహారాంలో ఏదో పడని పదార్థం ఉందని గ్రహించాల్సిన పరిస్థితి ఉంది. ప్రస్తుతం మార్కెట్లలో లభించే పెరుగుదల, పాల-ఉత్పత్తి-నియంత్రణ హార్మోన్లను కలిగి ఉన్న కొన్ని ఉత్పత్తులో వినియోగిస్తున్న ప్రిజర్వేటివ్స్ కూడా హానికారకంగా మారుతున్నాయి. ఇలాంటి రసాయనాలతో కూడిన కొన్ని బ్రాండ్‌ల ఉదర సంబంధ సమస్యలు ఉత్పన్నం అవుతున్నాయి. ముఖ్యంగా కడుపు మంటకు దారితీస్తుంది. అంతేకాదు పూర్తి కొవ్వు, మొత్తం పాలు కలిగి ఉండటం వల్ల చర్మ సమస్యలు, పగుళ్లు కూడా సంభవిచ్చవచ్చనని వైద్య నిపుణులు సూచించారు. ఈ సమస్యలు పురుషుల కంటే మహిళల్లోనే ఎక్కువగా కనిపిస్తుందని కూడా పేర్కోన్నారు. మీ శరీరం ఏదైనా భరించలేనిదిగా మీరు గమనించినప్పుడు, అది వాపుకు దారితీస్తుంది. ఇది మీ శరీరానికి అనేక విధాలుగా బయటపడుతిం. అందులో ఒకటి మీ చర్మం పగుళ్లను మార్గంగా ఎంచుకుంటుంది. ఇది ఇన్సులిన్ నియంత్రణకు భంగం కలిగించడం ద్వారా మొటిమలను మరింత తీవ్రతరం చేస్తుంది. స్కిమ్ మిల్క్ మీ మొటిమలను మరింత తీవ్రతరం చేస్తుందన్న విషయం తెలిసిందే. అందుకని హార్మోన్లతో ఇంజెక్ట్ చేయబడని పూర్తి కొవ్వుతో కూడిన ఆవు పాలను ఎంచుకోవడం మంచిది.

5. ఎముకల ధృఢత్వం తగ్గడం

బలమైన ఎముకలను నిర్మించడంలో పాలు దోహదపడతాయి. పాలలోని కాల్షియం ఎముకలను ధృఢంగా, పటిష్టంగా చేయడానికి సహాయపడుతుందని ప్రముఖంగా నమ్ముతారు. అయినప్పటికీ, అవసరమైన పరిమాణాల కంటే ఎక్కువ తీసుకోవడం ప్రతికూల ప్రభావాలను కలిగిస్తుంది. ఇలా పాలను అధిక మోతాదులో తీసుకోవడం ద్వారా చేకూరే మంచి కంటే హానే అధిక ప్రభావాన్ని చూపుతుంది. పాలు ఎక్కువగా తీసుకోవడం వల్ల ఎముకలు పెళుసుగా మారుతాయని కొన్ని పరిశోధనలు నివేదించాయి. 2014 బిఎంజే అధ్యయనం ప్రకారం తక్కువ పరిమాణంలో పాలు తాగే మహిళల కంటే చాలా తక్కువ పాలు తాగే వయోజనులు విరిగిన ఎముకలు లేదా వాపుతో బాధపడే అవకాశం తక్కువ. 2015లో ప్రచురించబడిన ది జర్నల్ ఆఫ్ న్యూట్రిషన్లో పరిశోధన జరిగింది, పాల ఆహారాలు తిసుకోవడం వల్ల జర్మన్ వయోజనులలో కొంతమందిలో తక్కువ-స్థాయి వాపు పెరుగుతుందని కనుగొన్నారు. రోజూ మూడు లేదా అంతకంటే ఎక్కువ గ్లాసుల పాలు తాగే మహిళలలో ఎముకలు విరిగిపోయే ప్రమాదం 16 శాతం ఎక్కువగా ఉందని, తుంటి విరిగిపోయే ప్రమాదం 60 శాతం పెరిగిందని నివేదించబడింది. కాల్షియంతో కూడిన పాలు తీసుకోవడం వల్ల మీ ఎముక సాంద్రతలో వ్యత్యాసాన్ని గమనించిన పక్షంలో.. కాల్షియం కలిగి ఉన్న పాల రహిత ఇతర పోషకాహార ఉత్పత్తులను ఎంచుకోవడం ఉత్తమంగా న్యూటీషియన్లు సూచిస్తున్నారు. ఇది శరీర భద్రతను నిర్ధారించడంతో పాటు దానికి ఎటువంటి హాని కలిగించదు.

6. హృదయ సంబంధ వ్యాధుల లక్షణాలు

ఎక్కువ పాలు తాగడం వల్ల పురుషులు, మహిళలు ఇద్దరిలో మరణాలు పెరిగే ప్రమాదం ఉంది. అలాగే మహిళల్లో హృదయ సంబంధ వ్యాధులు, క్యాన్సర్ వచ్చే ముప్పు పెరుగుతుందని అద్యయనాల్లో తేలింది. అక్టోబర్ 2014లో నిర్వహించిన ఓ పరిశోధనలో ఈ విషయాలు వెల్లడయ్యాయి. బిఎంజే (ఆర్) నిర్వహించిన అధ్యయనంలో ప్రతిరోజూ మూడు గ్లాసుల పాలు లేదా అంతకంటే ఎక్కువ తాగే మహిళలకు మరణాల ముప్పు పోంచివుందని తేలింది. అంతేకాదు వీరిలో గుండె సంబంధ వ్యాధుల ముప్పు దాదాపు రెట్టింపు అవుతుందని, రోజుకు ఒక గ్లాసు కంటే తక్కువ మోతాదులో పాలు తీసుకునే మహిళలతో పోలిస్తే 44శాతం క్యాన్సర్ వచ్చే ప్రమాదం ఉందని పరిశోధకులు కనుగొన్నారు. అయితే ఇది పురుషుల్లో తక్కువగా నమోదైంది. ప్రతిరోజూ మూడు లేదా అంతకంటే ఎక్కువ గ్లాసుల పాలు తాగినప్పుడు పురుషుల్లో మరణాల ప్రమాదం 10 శాతం పెరిగిందని తేలింది. గతంలో ఛాతీ నొప్పిని వచ్చినా, లేదా స్ట్రోక్ లేదా గుండెపోటుతో బాధపడినట్లయితే, తప్పకుండా వైద్యుడి సూచనల మేరకు మాత్రమే పాలను తీసుకోవాల్సి ఉంటుంది. గుండె ఆరోగ్యాన్ని కాపాడుకోవడానికి కార్డియోవాస్క్యులార్ వ్యాధికి తక్కువ ప్రమాదం ఉన్న ఆహారాన్ని తీసుకోవడం ఉత్తమం.

7. మెదడు మొద్దుబారడం, జ్ఞాపకశక్తి సమస్యలు

ఎక్కువ పాలు తీసుకోవడం వల్ల కలిగే దుష్ప్రభావాలలో మరోకటి ఏకాగ్రతను దెబ్బతీయడం. మీ ఆలోచనలను మాటల్లోనూ పెట్టలేరు.. మీ మాటలను ఆచరణలోనూ పెట్టలేరు. దీనికి మెదడు మొద్దుబారడమే కారణం. మెదడు మొద్దుబారడం అనేది ఒక పరిస్థితి కానప్పటికీ, ఇది జ్ఞాపకశక్తి సమస్యలతో బాధపడటం, దృష్టిని కోల్పోవడం, మదిని ఓ విషయంపై నిలుపుదల చేయడం, ఏకాగ్రతను దెబ్బతీయడం, వ్యక్తుల నైపుణ్యాలపై తీవ్ర ప్రభావాన్ని కనబర్చలాంటి సమస్యలకు దారి తీస్తుంది. పాల ఉత్పత్తులలో అధిక పరిమాణంలో ఉండే కేసైన్ కంటెంట్ కొన్ని మెదడు గ్రాహకాలను దెబ్బతీస్తుంది, తద్వారా మెదడుకు కొన్ని తప్పుడు సంకేతాలను ఇస్తుందని నిపుణుల అభిప్రాయం. మీరు ఎక్కువ డైరీ లేదా పాలను తిన్నప్పుడు అది పెరుగుతున్న వయస్సుతో మానసిక ఆరోగ్య సమస్యలను అభివృద్ధి చేసే సంభావ్యతకు దోహదం చేస్తుందని కూడా చెప్పబడింది.

8. కొన్ని రకాల క్యాన్సర్లకు కారకం

ఎక్కువ పాలు, పాల ఉత్పత్తులను ఆహారంగా తిన్నప్పుడు అది పలు రకాల క్యాన్సర్లకు కూడా కారకంగా మారవచ్చు. అయితే ఈ అంశానికి సంబంధించి ఎక్కువ ఆధారాలు లేనప్పటికీ, ప్రోస్టేట్ లేదా రొమ్ము క్యాన్సర్ వంటి కొన్ని రకాల క్యాన్సర్‌లకు కారణమవుతుందని కొందరు చెబుతున్నారు. ఈ అధ్యయనాలు చాలావరకు అనుభావికమైనవేనని వార్తలు అందుతున్నా, దీని గురించి మరింత లోతైన పరిశోధన జరగాల్సిన అవసరం ఎంతైనా ఉంది. కాలక్రమేణా ప్రజలలో పాలు, పాల ఉత్పత్తుల వినియోగం పెరుగుతున్న తరుణంలో వారిపై దుష్ప్రభావం చూపకముందే చర్యలకు అరోగ్య, వైద్యరంగ నిపుణులు ఉపక్రమిస్తే సముచితంగా ఉంటుందన్న అభిప్రాయాలు వ్యక్తమవుతున్నాయి. పాలు, పాల ఉత్పత్తులను విరివిగా తీసుకుంటున్న ప్రజల అరోగ్యంపై అధ్యయనాలు చేయాల్సిన తరుణం వచ్చేసిందని వాదనలు కూడా వినిపిస్తున్నాయి. అందువల్ల పాలు, పాల ఉత్పత్తులను అతిగా తీసుకోరాదని సలహా ఇస్తున్నారు, ఎందుకంటే ఇది మంచి కంటే ఎక్కువ హాని కలిగించవచ్చు!

9. ఊబకాయం లేదా బరువు పెరగడానికి కారణం

పాలు, పాల ఉత్పత్తుల్లో అధిక మోతాదులో కాల్షియం, పొటాషియం, విటమిన్ B12 వంటి ముఖ్యమైన విటమిన్లు, ఖనిజాలు నిండివుంటాయి. దీంతో పాలు, పాల ఉత్పత్తులు నిజానికి పోషకమైనవిగా చెప్పబడ్డాయి. అయితే నిర్ధేషిత మోతాదులో పాలు, పాల ఉత్పత్తులను తీసుకుంటే ఇవి అరోగ్యానికి చాలా మంచివి. కానీ పాలు, పాల ఉత్పత్తులు చాలా కొవ్వును కలిగి ఉంటాయి.. కాబట్టి వీటిని అధికంగా తీసుకుంటే అధిక కేలరీలతో కూడిన ఆహారాన్ని తీసుకున్నట్లే. దీంతో మరో దుష్ప్రభావం కూడా పోంచి ఉంది. అదే ఊబకాయం. లేదా అధిక బరువును పోందడం. పూర్తి కొవ్వు పదార్థాలతో నిండిన పాలు, పాల ఉత్పత్తులను తీసుకోవడం వల్ల స్థూలకాయాన్ని నివారించవచ్చని ఒక అధ్యయనం చూపించింది. ఎందుకు అనేది పూర్తిగా స్పష్టంగా తెలియనప్పటికీ, కొవ్వు పదార్ధం కొన్ని జీవక్రియ ప్రయోజనాలను కలిగి ఉండవచ్చనని, వీటిని తిన్న తర్వాత సంపూర్ణంగా సంతృప్తి చెందగలరని వారు అంటున్నారు. కానీ మీరు బరువు తగ్గాలని ప్రయత్నిస్తున్నట్లయితే, ఏదైనా బరువు లేదా కొవ్వు తగ్గడం అనేది క్యాలరీ లోటుపై ఆధారపడి ఉంటుందని గుర్తుంచుకోండి, కాబట్టి పాలు లేదా పాల ఉత్పత్తులలో ఉన్న అదనపు కేలరీలు బదులుగా మీరు బరువు పెరగడానికి కారణమవుతాయి అది మీ ప్రయత్నాలకు ఆటంకం కలిగించవచ్చు.

10. దీర్ఘకాలిక మంటకు కారకం కావచ్చు

పాలు అధికంగా తీసుకోవడం వల్ల కడుపు నిండిన అనుభూతితో పాటు కడుపు ఉబ్బరం కలిగిస్తుంది. అంతేకాదు పాలు అధిక పోషకాలతో నిండినదే కాదు ఆమ్లంగా ఉన్న కారణంగా ఇది మీకు జీర్ణ సమస్యలను కూడా తెచ్చిపెడుతుంది. అయినప్పటికీ ఇది అధిక మొత్తంలో కాల్షియం కలిగి ఉంటుంది, ఇది స్వభావరీత్యా ఆల్కలీన్ ఏజెంట్‌గా పనిచేస్తుంది. పాలలో సహజంగా ఆమ్లాలు పుష్కలంగా ఉంటాయి, ఇవి కాల్షియం నిక్షేపాలు ఏర్పడటానికి కారణమవుతాయి, ఆర్థరైటిస్, దీర్ఘకాలిక మంటను కూడా కలిగిస్తాయి. మనం ఒకసారి విశ్వసించినట్లుగా, ఇది తప్పనిసరిగా మన ఎముకలను బలంగా ఉంచదు. చాలా మొక్కల ఆధారిత ఆహారాలు మెరుగ్గా పని చేస్తాయి, మీరు చార్డ్, కాలే, బాదం, అత్తి పండ్ల వంటి దీర్ఘకాలిక మంటలను తగ్గించేందుకు దోహదం చేసే ఇతర ఆహారాలను ఎంచుకోవడం ఉత్తమం.

11. బలహీనమైన చర్మం

పాలు, పాల ఉత్పత్తులు అధికంగా తీసుకోవడం వల్ల చర్మంపై కూడా దుష్ప్రభావాలు చూపై ఆస్కారం ఉంది. ఒక్కప్పుడు ఆడవారు మాత్రమే తమ ముఖం, చర్మ సౌందర్యంతో పాటు అందంపై అధిక శ్రద్దను చూసేవారు.. కానీ ప్రస్తుతం మగవారు కూడా వారితో పోటీపడుతున్నారు. చర్మ సౌందర్యంతో పాటు అందం మీపై మీకు ఎనలేని నమ్మకాన్ని కూడా కలిగిస్తుంది. చర్మ ఆరోగ్యం ఎంతో ముఖ్యం.. దానికి నేటి తరం ఇచ్చే ప్రాధాన్యం అంతఇంతా కాదు.. ఆశ్చర్యపోయేంత అంటే నమ్మశక్యం కాదు. అయితే చర్మ సౌందర్యం బాగుండాలంటే.. శరీరంలోని అంతర్గత అవయవాల పనితీరు కూడా మెరుగ్గా ఉన్నప్పుడేనన్న విషయం తెలిసిందే. చర్మం శరీరంలోని అతి పెద్ద భాగం అంతర్గత శరీరం ఏది వదిలించుకోలేక పోయినా, చర్మం స్వయంగా అలా చేయడానికి ప్రయత్నిస్తుంది. కాలేయం, జీర్ణవ్యవస్థ విషయానికి వస్తే, సరిగ్గా తొలగించలేని అంతర్గత వ్యర్థాలతో కష్టతరమైన సమయాన్ని మీరు ప్రత్యేకంగా గుర్తించవచ్చు. అధిక మొత్తంలో ప్రతీరోజు పాలను పాల ఉత్పత్తులను తీసుకున్నా అది ముందుగా ప్రభావం చూపేది చర్మంపైనే. కొందరు పాల ఉత్పత్తులు పడని వారు తక్కువ మొత్తంలో వాటిని, వాటి ఉత్పత్తులను తీసుకున్నా అది చర్మంపైనే ప్రభావం చూపుతుంది. మీరు మొటిమలు, ఎరుపు, మచ్చలు లేదా అనారోగ్యకరమైన చర్మాన్ని గమనించినప్పుడు పాలు, పాల ఉత్పత్తులే అందుకు కారణమని తెలుసుకుంటారు. చాలా మంది ప్రజలు డైరీ లేకుండా మొదటి కొన్ని రోజుల్లో వారి చర్మంలో అద్భుతమైన మెరుగుదలలను గమనించి ఉండవచ్చు. ఎందుకంటే శరీరం లోపలి భాగం తనను తాను శుభ్రం చేసుకోగలుగుతుంది చర్మం.