క్లెప్టోమేనియా అనేది ఒక మానసిక ఆరోగ్య రుగ్మత. ఈ రుగ్మత కలిగిన బాధితులు, వారికి అవసరం లేని వస్తువులను దొంగిలించాలనే బలమైన కోరికలను కలిగివుంటారు. అంతేకాదు, ఏదేని వస్తువుపై వారు మనస్సు పడితే చాలు, ఈ కోరిక వారిలో పదేపదే కలగడంతో వారు అదుపు చేసుకోలేకపోతుంటారు. దీంతో వారు ఆయా వస్తువులను దొంగలించక తప్పని పరిస్థితి ఏర్పడుతుంది. అయితే వీరు తరచుగా దొంగిలించిన వస్తువులు పెద్దగా విలువైనవి కాకపోయినా, తక్కువ ధరలో అందుబాటులో ఉన్నా, వాటిని కొనుగోలు చేసే స్థోమత ఉన్నా వాటిని దొంగలిస్తుంటారు. క్లెప్టోమేనియా అరుదైన మానసిక రుగ్మతే.. అయినా, ఇది ఒక తీవ్రమైన పరిస్థితిగా మారవచ్చు. దీనికి చికిత్స చేయకపోతే, ఇది బాధితులకు తీవ్రమైన మానసిక వేదనను, ఇంకా చట్టపరమైన సమస్యలను కూడా కలిగించవచ్చు.

క్లెప్టోమేనియా అనేది ఒక రకమైన ప్రేరణ నియంత్రణ రుగ్మత, అంటే భావోద్వేగ లేదా ప్రవర్తనాపరమైన స్వీయ-నియంత్రణలో సమస్యలు ఉండే రుగ్మత. మీకు ప్రేరణ నియంత్రణ రుగ్మత ఉన్నట్లయితే, మీకు లేదా ఇతరులకు మితిమీరిన లేదా హానికరమైన చర్యను చేయాలనే ప్రలోభాన్ని లేదా బలమైన కోరికను నిరోధించడంలో మీరు ఇబ్బంది పడతారు. క్లెప్టోమేనియాతో బాధపడే చాలా మంది మానసిక ఆరోగ్య చికిత్స తీసుకోవడానికి భయపడి, తమ జీవితాన్ని రహస్యంగా సిగ్గుతో గడుపుతారు. క్లెప్టోమేనియాకు నివారణ లేనప్పటికీ, మందులతో చేసే చికిత్స లేదా కోరికలను ఎదుర్కోవడంపై దృష్టి సారించే నైపుణ్య-నిర్మాణ చికిత్స, మీలోని ఈ బలవంతపు దొంగతనం చక్రాన్ని అంతం చేయడానికి సహాయపడవచ్చు.

లక్షణాలు                           Kleptomania symptoms

క్లెప్టోమేనియా లక్షణాలలో ఇవి ఉండవచ్చు:

• అవసరం లేని వస్తువులను దొంగిలించాలనే బలమైన కోరికలను నిరోధించలేకపోవడం
• దొంగతనానికి ముందు పెరిగిన ఉద్రిక్తత, ఆందోళన లేదా ఉద్రేకం కలగడం
• దొంగతనం చేస్తున్నప్పుడు ఆనందం, ఉపశమనం లేదా సంతృప్తి కలగడం
• దొంగతనం తర్వాత తీవ్రమైన అపరాధభావం, పశ్చాత్తాపం, ఆత్మ-ద్వేషం, సిగ్గు లేదా అరెస్టు అవుతామనే భయం కలగడం
• కోరికలు తిరిగి రావడం మరియు క్లెప్టోమేనియా చక్రం పునరావృతం కావడం

క్లెప్టోమేనియా గుణగణాలు       Features

క్లెప్టోమేనియా ఉన్న వ్యక్తులలో సాధారణంగా ఈ గుణగణాలు ఉంటాయి:

• చాలా మంది షాపుల్లో దొంగతనం చేసేవారిలా కాకుండా, క్లెప్టోమేనియా ఉన్న వ్యక్తులు వ్యక్తిగత లాభం కోసం, పందెం కోసం, ప్రతీకారం కోసం లేదా తిరుగుబాటుతో బలవంతంగా దొంగతనం చేయరు. ఆ కోరిక ఎంత బలంగా ఉంటుందంటే, దాన్ని వారు నిరోధించుకోలేరు కాబట్టి కేవలం దొంగతనం చేస్తారు.
• క్లెప్టోమేనియా యొక్క సంఘటనలు సాధారణంగా ప్రణాళిక లేకుండా మరియు ఇతరుల సహాయం లేకుండా అకస్మాత్తుగా జరుగుతాయి.
• క్లెప్టోమేనియా ఉన్న చాలా మంది వ్యక్తులు దుకాణాల వంటి బహిరంగ ప్రదేశాల నుండి దొంగతనం చేస్తారు. కొందరు పార్టీలో స్నేహితులు లేదా పరిచయస్తుల నుండి దొంగతనం చేయవచ్చు.
• క్లెప్టోమేనియా ఉన్న వ్యక్తులు దొంగిలించిన వస్తువులు పెద్దగా విలువైనవి కావు, పైగా వాటిని కొనుగోలు చేసే స్థోమత కూడా వారికి ఉంటుంది.
• దొంగిలించిన వస్తువులను సాధారణంగా ఎప్పటికీ ఉపయోగించకుండా దాచిపెడతారు. ఆ వస్తువులను దానం చేయడం, కుటుంబ సభ్యులకు లేదా స్నేహితులకు ఇచ్చేయడం, లేదా దొంగిలించిన ప్రదేశానికే రహస్యంగా తిరిగి ఇచ్చేయడం కూడా జరగవచ్చు.
• దొంగతనం చేయాలనే కోరికలు అప్పుడప్పుడు రావచ్చు, పోవచ్చు లేదా కాలక్రమేణా ఎక్కువ లేదా తక్కువ తీవ్రతతో కలగవచ్చు.

వైద్యుడిని ఎప్పుడు కలవాలి             When to see a doctor

దుకాణాల్లో వస్తువులు దొంగిలించడం లేదా ఇతర వస్తువులు కొనడాన్ని బాధితులు ఆపలేకపోతే, వైద్య సలహా తీసుకోవడం చాలా ఉత్తమం. క్లెప్టోమేనియా ఉన్న చాలా మంది, తాము అరెస్ట్ అవుతామని లేదా జైలుకు వెళ్తామని భయపడి చికిత్స తీసుకోవడానికి ఇష్టపడరు. అయితే, ఒక మానసిక ఆరోగ్య నిపుణుడు సాధారణంగా మీ దొంగతనాల గురించి అధికారులకు నివేదించరు. కొంతమంది తాము పట్టుబడి చట్టపరమైన సమస్యలు ఎదుర్కొంటామని భయపడి వైద్య సహాయం కోరతారు. ఇక మరికోందరు అప్పటికే పోలీసుల చేత అరెస్ట్ చేయబడి ఉంటారు. దీంతో వారిలోని ఈ లక్షణాలను పరిశీలించిన పోలీసులు వారికి చట్ట ప్రకారం చికిత్స అందజేస్తుంటారు.

మీ ప్రియమైన వారికి క్లెప్టోమేనియా ఉంటే    If a loved one has kleptomania

మీ సన్నిహితడు లేదా స్నేహితుడు లేదా కుటుంబ సభ్యునికి క్లెప్టోమేనియా ఉండవచ్చని మీరు అనుమానిస్తే, ఆ వ్యక్తితో మీ ఆందోళనలను సున్నితంగా తెలియజేయండి. క్లెప్టోమేనియా అనేది ఒక మానసిక ఆరోగ్య రుగ్మత, వ్యక్తిత్వ లోపం కాదని గుర్తుంచుకోండి. కాబట్టి ఆ వ్యక్తిని ఎలాంటి తీర్పు లేదా నింద లేకుండా సంప్రదించండి.

ఈ విషయాలను నొక్కి చెప్పడం సహాయకరంగా ఉండవచ్చు:

• మీరు క్లెప్టోమేనియా బాధిత వ్యక్తి ఆరోగ్యం మరియు శ్రేయస్సు గురించి శ్రద్ధ వహిస్తున్నందున ఆందోళన చెందుతున్నారు.
• బలవంతపు దొంగతనం వల్ల కలిగే ప్రమాదాల గురించి మీరు ఆందోళన చెందుతున్నారు. ఉదాహరణకు అరెస్ట్ కావడం, ఉద్యోగం కోల్పోవడం లేదా విలువైన సంబంధం దెబ్బతినడం వంటివి.
• క్లెప్టోమేనియా ఉన్నప్పుడు, కేవలం “మనసు పెట్టి” దొంగతనం చేయాలనే కోరికను నిరోధించడం చాలా కష్టమని అర్థం చేసుకోవాలి.
• దొంగతనం చేయాలనే కోరికను తగ్గించడానికి మరియు వ్యసనం, అవమానం లేకుండా జీవించడానికి సహాయపడే చికిత్సలు అందుబాటులో ఉన్నాయి.
• ఈ సంభాషణకు సిద్ధం కావడానికి మీకు సహాయం అవసరమైతే, మీ వైద్యుడితో మాట్లాడండి. వారు మిమ్మల్ని ఒక మానసిక ఆరోగ్య నిపుణుడికి సిఫార్సు చేయవచ్చు. వైద్యులు మీ స్నేహితుడు లేదా బంధువు తమను తాము సమర్థించుకుంటున్నట్లుగా లేదా బెదిరింపులకు గురైనట్లుగా భావించకుండా, మీ ఆందోళనలను ఎలా తెలియజేయాలో ప్రణాళిక రూపొందించడంలో మీకు సహాయపడగలరు.

క్లెప్టోమేనియా కారణాలు                   Causes of Kleptomania

క్లెప్టోమేనియాకు గల కారణాలు తెలియవు. మెదడులోని మార్పులు క్లెప్టోమేనియాకు మూలకారణం కావచ్చని, మరియు వస్తువులను దొంగిలించే అలవాటు కాలక్రమేణా ఈ సమస్యను బలపరుస్తుందని అనేక సిద్ధాంతాలు సూచిస్తున్నాయి. ఈ సాధ్యమయ్యే కారణాలను బాగా అర్థం చేసుకోవడానికి మరింత పరిశోధన అవసరం. కానీ క్లెప్టోమేనియా దీనికి సంబంధించినది కావచ్చు:

• మెదడులో ఉండే సెరోటోనిన్ అనే సహజ రసాయనంతో సమస్యలు Problems with a naturally occurring brain chemical called serotonin: సెరోటోనిన్ అనే న్యూరోట్రాన్స్మిటర్, మానసిక స్థితులను మరియు భావోద్వేగాలను నియంత్రించడంలో సహాయపడుతుంది. తొందరపాటు ప్రవర్తనలకు లోనయ్యే వ్యక్తులలో సెరోటోనిన్ స్థాయిలు తక్కువగా ఉండటం సాధారణం.
• వ్యసన సంబంధిత రుగ్మతలు Addictive disorders: దొంగతనం మరొక న్యూరోట్రాన్స్మిటర్ అయిన డోపమైన్ విడుదలకు కారణం కావచ్చు. డోపమైన్ ఆహ్లాదకరమైన అనుభూతులను కలిగిస్తుంది. కొంతమంది ఈ సంతృప్తికరమైన అనుభూతిని పదే పదే కోరుకుంటారు.
• మెదడు యొక్క ఓపియాయిడ్ వ్యవస్థ The brain’s opioid system: కోరికలు మెదడు యొక్క ఓపియాయిడ్ వ్యవస్థ ద్వారా నియంత్రించబడతాయి. ఈ వ్యవస్థలో అసమతుల్యత ఏర్పడితే, కోరికలను నిరోధించడం కష్టతరం కావచ్చు.
• నేర్చుకున్న అలవాటు Learned habit: కోరికలు చాలా అసౌకర్యంగా ఉంటాయి. ఈ కోరికలకు ప్రతిస్పందనగా దొంగతనం చేయడం వల్ల, ఆ కోరికల నుండి తాత్కాలికంగా బాధ తగ్గి ఉపశమనం లభిస్తుంది. ఇది వదిలించుకోవడం కష్టమయ్యే బలమైన అలవాటును సృష్టిస్తుంది.

ప్రమాద కారకాలు                 Kleptomania risk factors

క్లెప్టోమేనియా అనేది సర్వసాధారణమైనది కాదు. కానీ కొన్ని క్లెప్టోమేనియా కేసులు ఎప్పటికీ నిర్ధారణ కాకపోవచ్చు. కొంతమంది ఎప్పుడూ చికిత్స తీసుకోరు. మరికొందరు పదేపదే దొంగతనాలు చేసిన తర్వాత జైలు పాలవుతారు. క్లెప్టోమేనియా తరచుగా కౌమారదశలో లేదా యవ్వనంలో మొదలవుతుంది, కానీ ఇది ఆ తర్వాత కూడా ప్రారంభం కావచ్చు. క్లెప్టోమేనియా ఉన్నట్లు తెలిసిన వారిలో దాదాపు మూడింట రెండు వంతుల మంది మహిళలే కావడం గమనార్హం.

క్లెప్టోమేనియా ప్రమాద కారకాలలో ఇవి ఉండవచ్చు:

• కుటుంబ చరిత్ర Family history: తల్లిదండ్రులు లేదా తోబుట్టువుల వంటి రక్త సంబంధీకులకు క్లెప్టోమేనియా లేదా వ్యసన సంబంధిత రుగ్మతలు ఉండటం వల్ల క్లెప్టోమేనియా వచ్చే ప్రమాదం పెరగవచ్చు.
• మరొక మానసిక అనారోగ్యం ఉండటం Having another mental illness: క్లెప్టోమేనియా ఉన్నవారికి తరచుగా ఆందోళన, డిప్రెషన్ లేదా మాదకద్రవ్యాల వినియోగ రుగ్మత వంటి మరొక మానసిక ఆరోగ్య రుగ్మత ఉంటుంది.

క్లెప్టోమేనియా సంక్లిష్టతలు        Complications of Kleptomania

చికిత్స చేయకుండా వదిలేస్తే, క్లెప్టోమేనియా తీవ్రమైన భావోద్వేగ, కుటుంబ, వృత్తిపరమైన, చట్టపరమైన మరియు ఆర్థిక సమస్యలకు దారితీయవచ్చు. ఉదాహరణకు, దొంగతనం చేయడం తప్పని మీకు తెలిసినా, ఆ కోరికను అదుపు చేసుకోలేక నిస్సహాయంగా భావిస్తారు. ఫలితంగా, మీరు అపరాధభావం, సిగ్గు, ఆత్మ నున్యతా భావం మరియు అవమానం ఎదురుకావచ్చు. దొంగతనం చేసినందుకు మిమ్మల్ని పోలీసులు అరెస్టు చేయవచ్చు. మీరు సాధారణంగా చట్టబద్ధమైన జీవితాన్ని గడుపుతూ, మీ బలవంతపు దొంగతనం అలవాటు వల్ల గందరగోళానికి మరియు కలతకు గురవుతూ ఉండవచ్చు.

క్లెప్టోమేనియాతో సంబంధం ఉన్న ఇతర సమస్యలు మరియు పరిస్థితులలో ఇవి ఉండవచ్చు:

• బలవంతపు జూదం లేదా షాపింగ్ వంటి ఇతర ప్రేరణ-నియంత్రణ రుగ్మతలు
• మద్యం లేదా ఇతర పదార్థాల దుర్వినియోగం
• వ్యక్తిత్వ రుగ్మతలు
• ఆహార సంబంధిత రుగ్మతలు
• కుంగుబాటు
• బైపోలార్ డిజార్డర్
• ఆందోళన రుగ్మతలు
• ఆత్మహత్య ఆలోచనలు మరియు ప్రవర్తనలు

నివారణ                            Prevention of Kleptomania

క్లెప్టోమేనియాకు గల కారణాలు స్పష్టంగా లేనందున, దానిని ఖచ్చితంగా ఎలా నివారించాలో ఇంకా తెలియదు. బలవంతపు దొంగతనం ప్రారంభమైన వెంటనే చికిత్స పొందడం వల్ల క్లెప్టోమేనియా మరింత తీవ్రం కాకుండా మరియు కొన్ని ప్రతికూల పరిణామాలను నివారించడంలో సహాయపడవచ్చు.

రోగనిర్ధారణ                         Diagnosis of Kleptomania

బాధితుల లక్షణాల ఆధారంగా క్లెప్టోమేనియాను నిర్ధారిస్తారు. క్లెప్టోమేనియా లక్షణాలకు చికిత్స పొందాలని బాధితులు నిర్ణయించుకున్నప్పుడు, వారి శారీరక పరీక్ష మరియు మానసిక మూల్యాంకనం రెండింటిని వైద్యులు సిఫార్సు చేయవచ్చు. బాధితుల లక్షణాలను ప్రేరేపించే ఏవైనా వైద్యపరమైన కారణాలు ఉన్నాయో లేదో శారీరక పరీక్ష ద్వారా నిర్ధారించవచ్చు.

క్లెప్టోమేనియా అనేది ఒక రకమైన ప్రేరణ నియంత్రణ రుగ్మత. కాబట్టి, రోగ నిర్ధారణను కచ్చితంగా చేయడానికి, మానసిక ఆరోగ్య నిపుణులు ఈ క్రిందివి చేయవచ్చు:

• బాధితుల ప్రేరణల గురించి మరియు అవి వారికి ఎలాంటి అనుభూతిని కలిగిస్తున్నాయో ప్రశ్నలు అడగవచ్చు
• కొన్ని పరిస్థితులు బాధితుల క్లెప్టోమేనియా ఎపిసోడ్‌లను ప్రేరేపిస్తున్నాయో లేదో తెలుసుకోవడానికి వాటిని సమీక్షించవచ్చు
• ఈ ప్రవర్తన కారణంగా బాధితులు ఎదుర్కొన్న సమస్యల గురించి చర్చించవచ్చు
• బాధితులను ప్రశ్నావళి లేదా స్వీయ-అంచనాలను పూరించమని అడగవచ్చు
• అమెరికన్ సైకియాట్రిక్ అసోసియేషన్ ప్రచురించిన డయాగ్నస్టిక్ అండ్ స్టాటిస్టికల్ మాన్యువల్ ఆఫ్ మెంటల్ డిజార్డర్స్ (DSM-5)లోని మార్గదర్శకాలను ఉపయోగించవచ్చు

చికిత్స                     Treatment for Kleptomania

భయం, అవమానం లేదా ఇబ్బంది వంటివి క్లెప్టోమేనియాకు చికిత్స పొందడాన్ని బాధితులకు కష్టతరం చేస్తుంది. అయినప్పటికీ, సహాయం పొందడం ముఖ్యం. క్లెప్టోమేనియాను బాధితులు వారంతట వారే అధిగమించడం కష్టం. చికిత్స లేకుండా, క్లెప్టోమేనియా దీర్ఘకాలికంగా కొనసాగే పరిస్థితిగా మారే అవకాశం ఉంది. క్లెప్టోమేనియా చికిత్సలో సాధారణంగా మందులు మరియు సైకోథెరపీ, లేదా రెండూ ఉంటాయి. కొన్నిసార్లు స్వీయ-సహాయ సమూహాలతో పాటుగా కూడా చికిత్స అందిస్తారు. అయితే, క్లెప్టోమేనియాకు ప్రామాణికమైన చికిత్స అంటూ ఏదీ లేదు. ఈ పరిస్థితిని అధిగమించడానికి ఏది ఉత్తమంగా పనిచేస్తుందో అర్థం చేసుకోవడానికి వైద్య పరిశోధకులు ఇప్పటికీ పరిశోధనలు సాగిస్తున్నే ఉన్నారు. మీకు ఏది బాగా పనిచేస్తుందో తెలుసుకోవడానికి మీరు అనేక రకాల చికిత్సలను ప్రయత్నించాల్సి రావచ్చు.

మందులు        Medicines

క్లెప్టోమేనియా చికిత్సకు మానసిక వైద్య మందులను ఉపయోగించడంపై శాస్త్రీయ పరిశోధన చాలా తక్కువగా ఉంది. క్లెప్టోమేనియా కోసం అమెరికా ఫుడ్ అండ్ డ్రగ్ అసోసియేషన్ అమోదించిన ఔషధం ఏదీ లేదు. అయినప్పటికీ, మీ పరిస్థితిని బట్టి మరియు మీకు డిప్రెషన్ లేదా మాదకద్రవ్యాల దుర్వినియోగం వంటి ఇతర మానసిక ఆరోగ్య రుగ్మతలు ఉన్నాయా అనేదానిపై ఆధారపడి, కొన్ని మందులు సహాయపడవచ్చు.

వైద్యుడు ఈ క్రింది వాటిని సూచించడాన్ని పరిగణించవచ్చు:

• నాల్ట్రెక్సోన్ అనే వ్యసన చికిత్స మందు. ఇది దొంగతనంతో సంబంధం ఉన్న కోరికలను మరియు ఆనందాన్ని తగ్గించవచ్చు.
• ఒక యాంటీడిప్రెసెంట్, ప్రత్యేకంగా సెలెక్టివ్ సెరోటోనిన్ రీఅప్టేక్ ఇన్హిబిటర్ (SSRI).
• ఇతర మందులు లేదా మందుల కలయిక.
• మందులు సూచించినట్లయితే, వాటి వల్ల కలిగే దుష్ప్రభావాలు లేదా ఇతర మందులతో సంభవించే పరస్పర చర్యల గురించి మీ వైద్య నిపుణుడిని లేదా ఫార్మసిస్ట్‌ను అడిగి తెలుసుకోవడం మర్చిపోకండి.

  

సైకోథెరపీ          Psychotherapy

కాగ్నిటివ్ బిహేవియరల్ థెరపీ అనే ఒక రకమైన సైకోథెరపీ. అనారోగ్యకరమైన, ప్రతికూల నమ్మకాలను మరియు ప్రవర్తనలను గుర్తించి, వాటి స్థానంలో అవసరమైనప్పుడు వివిధ పరిస్థితులలో ఉపయోగపడే ఆరోగ్యకరమైన వాటిని అలవర్చుకోవడానికి మీకు సహాయపడుతుంది. క్లెప్టోమేనియా కోరికలను నియంత్రించడంలో మీకు సహాయపడటానికి, కాగ్నిటివ్ బిహేవియరల్ థెరపీలో ఈ నైపుణ్య నిర్మాణ పద్ధతులు ఉండవచ్చు:

• క్రమబద్ధమైన సున్నితత్వ నిర్మూలన మరియు ప్రతి-నియంత్రణ Systematic desensitization and counter-conditioning: దీనిలో బాధితులను ప్రేరేపించే పరిస్థితులలో ఉన్నప్పుడు, వారి కోరికలను ఆరోగ్యకరమైన మార్గంలో ఎలా తగ్గించుకోవాలో నేర్చుకోవడానికి విశ్రాంతి పద్ధతులు మరియు ఇతర వ్యూహాలను అభ్యసిస్తారు.
• రహస్య సున్నితత్వీకరణ Covert sensitization: దీనిలో బాధితులు దొంగతనం చేస్తున్నట్లు మరియు పట్టుబడటం వంటి ప్రతికూల పరిణామాలను ఎదుర్కొంటున్నట్లు ఊహించుకుంటారు.
• విముఖత చికిత్స Aversion therapy: దీనిలో బాధితులు దొంగతనం చేయాలనే కోరిక కలిగినప్పుడు, అసౌకర్యంగా అనిపించే వరకు శ్వాసను బిగపట్టడం వంటి స్వల్పంగా బాధ కలిగించే పద్ధతులను మీరు అభ్యసిస్తారు.

తిరిగి రాకుండా నివారించడం   Avoiding relapses

క్లెప్టోమేనియా తిరిగి రావడం అసాధారణం కాదు. తిరిగి రాకుండా నివారించడానికి, బాధితులు చికిత్సా ప్రణాళికను తప్పకుండా పాటించండి. వారికి దొంగతనం చేయాలనే కోరికలు కలిగితే, వారి మానసిక ఆరోగ్య నిపుణుడిని సంప్రదించండి లేదా విశ్వసనీయ వ్యక్తిని లేదా సహాయక బృందాన్ని సంప్రదించండి.

సమస్యను ఎదుర్కోవడం                  Coping and support

వృత్తిపరమైన చికిత్స పొందుతున్నప్పుడు, ఆరోగ్యకరమైన సమస్య పరిష్కార నైపుణ్యాలతో మిమ్మల్ని మీరు జాగ్రత్తగా చూసుకోవడానికి ఈ చర్యలు తీసుకోవచ్చు:

• మీ చికిత్సా ప్రణాళికను అనుసరించండి Follow your treatment plan: సూచించిన విధంగా మందులు తీసుకోండి మరియు షెడ్యూల్ చేసిన థెరపీ సెషన్‌లకు హాజరు అవ్వండి. గుర్తుంచుకోండి, ఇది కష్టమైన పని మరియు బాధితులకు అప్పుడప్పుడు ఎదురుదెబ్బలు తగలవచ్చు.
• మీ గురించి మీరు తెలుసుకోండి Educate yourself: క్లెప్టోమేనియా గురించి తెలుసుకోండి, తద్వారా బాధితులు ప్రమాద కారకాలు, చికిత్సలు మరియు ప్రేరేపించే సంఘటనలను బాగా అర్థం చేసుకోగలరు.
• మిమ్మల్ని ప్రేరేపించే అంశాలను గుర్తించండి Identify your triggers: దొంగతనం చేయాలనే కోరికలను ప్రేరేపించే పరిస్థితులు, ఆలోచనలు మరియు భావాలను గుర్తించండి. తద్వారా బాధితులు వాటిని నియంత్రించడానికి చర్యలు తీసుకోవచ్చు.
• మాదకద్రవ్యాల దుర్వినియోగం లేదా ఇతర మానసిక ఆరోగ్య సమస్యలకు చికిత్స పొందండి Get treatment for substance misuse or other mental health problems: బాధితులు మాదకద్రవ్యాల వాడకం, డిప్రెషన్, ఆందోళన మరియు ఒత్తిడి అనేవి భావోద్వేగ బాధ మరియు అనారోగ్యకరమైన ప్రవర్తన యొక్క విషవలయానికి దారితీయవచ్చు.
• ఆరోగ్యకరమైన మార్గాలను కనుగొనండి Find healthy outlets: వ్యాయామం మరియు వినోద కార్యకలాపాల ద్వారా దొంగతనం లేదా షాపింగ్‌లో వస్తువులు దొంగిలించాలనే కోరికలను మళ్ళించడానికి ఆరోగ్యకరమైన మార్గాలను అన్వేషించండి.
• విశ్రాంతి మరియు ఒత్తిడి నిర్వహణను నేర్చుకోండి Learn relaxation and stress management: ధ్యానం, యోగా లేదా తాయ్ చి వంటి ఒత్తిడిని తగ్గించే పద్ధతులను ప్రయత్నించండి.
• మీ లక్ష్యంపై దృష్టి కేంద్రీకరించండి Stay focused on your goal: క్లెప్టోమేనియా నుండి కోలుకోవడానికి సమయం పట్టవచ్చు. బాధితులు కోలుకునే లక్ష్యాలను దృష్టిలో ఉంచుకుని ప్రేరణ పొందండి. దెబ్బతిన్న సంబంధాలను, ఆర్థిక మరియు చట్టపరమైన సమస్యలను సరిదిద్దడానికి మీరు కృషి చేయగలరని వారికి వారు గుర్తు చేసుకోవాలి.
• ప్రియమైనవారితో నిజాయితీగా ఉండండి Be honest with loved ones: షాపింగ్ వంటి అధిక ప్రమాదం ఉన్న పరిస్థితులలో బాధితులు వారి కోరికలను నియంత్రించుకోవడానికి మొదట్లో సహాయం అవసరం కావచ్చు. కాబట్టి బాధితులు వారి కష్టాల గురించి వారి ప్రియమైనవారికి తెలియజేయడం మంచింది. బాధితుల కోరికలను నియంత్రించడానికి మరిన్ని మార్గాలను నేర్చుకునే సమయంలో కొంతకాలం పాటు “బడ్డీ సిస్టమ్” (సహాయం అందించే పద్ధతి)ని ఉపయోగించడాన్ని పరిగణించండి.

ప్రియమైనవారికి మద్దతు                 Support for loved ones

మీ స్నేహితుడు లేదా కుటుంబ సభ్యుడు క్లెప్టోమేనియా బాధితులుగా ఉన్నట్లయితే వారు చికిత్స పొందుతుంటే, వారు చికిత్సా ప్రణాళిక వివరాలను అర్థం చేసుకున్నారని నిర్ధారించుకోవాలి. దాని విజయానికి చురుకుగా మద్దతు ఇవ్వండి. దొంగతనం చేయాలనే కోరికను ప్రేరేపించే కారకాలను మరియు దానిని ఎదుర్కోవడానికి అత్యంత ప్రభావవంతమైన మార్గాలను తెలుసుకోండి. అందుకోసం మీ బాధిత స్నేహితుడు లేదా బంధువుతో కలిసి ఒకటి లేదా అంతకంటే ఎక్కువ థెరపీ సెషన్‌లకు హాజరు కావడం సహాయకరంగా ఉండవచ్చు.

బాధితులు స్వయంగా ఒక థెరపిస్ట్‌తో మాట్లాడటం ద్వారా కూడా ప్రయోజనం పొందవచ్చు. ప్రేరణ నియంత్రణ రుగ్మత నుండి కోలుకోవడం అనేది ఆ రుగ్మత ఉన్న వ్యక్తికి, అలాగే బాధిత స్నేహితులకు మరియు కుటుంబ సభ్యులకు కూడా ఒక సవాలుతో కూడిన, దీర్ఘకాలిక ప్రక్రియ. వ్యాయామం, ధ్యానం లేదా స్నేహితులతో గడిపే సమయం వంటి ఉత్తమంగా పనిచేసే ఒత్తిడి-తగ్గింపు మార్గాల ఎంచుకోండి. తద్వారా క్లెప్టోమేనియా బాధితులతో పాటు మీరు కూడా మీ సొంత అవసరాలను తీర్చుకుంటున్నారని నిర్ధారించుకోండి.

స్వయం సహాయక బృందాలు   Self-help groups

క్లెప్టోమేనియా బాధిత వ్యక్తులు స్వయం సహాయక బృందాలలో పాల్గొనడం ద్వారా ప్రయోజనం పొందవచ్చు. 12-దశల కార్యక్రమాలపై ఆధారపడిన మరియు వ్యసన సమస్యల కోసం రూపొందించిన స్వయం సహాయక బృందాలు వీరి కోరికలను నియంత్రించడంలో సహాయం చేయవచ్చు. మీరు ప్రత్యేకంగా క్లెప్టోమేనియా కోసం ఒక బృందాన్ని కనుగొనలేకపోయినా, ఆల్కహాలిక్స్ అనానిమస్ లేదా ఇతర వ్యసన సమావేశాలకు హాజరు కావడం ద్వారా మీరు ప్రయోజనం పొందవచ్చు. అటువంటి బృందాలు అందరి అభిరుచులకు సరిపోవు, కాబట్టి ప్రత్యామ్నాయాల గురించి మీ మానసిక ఆరోగ్య నిపుణుడిని అడగండి.

చివరిగా.!

క్లెప్టోమేనియా నుండి కోలుకోవడం అనేది చాలా వ్యక్తిగతమైన ప్రయాణం. దీనికి కరుణ, వృత్తిపరమైన మార్గదర్శకత్వం మరియు ఎంతో ఓర్పు అవసరం. ఈ రుగ్మత తరచుగా తీవ్రమైన సిగ్గు భావనలతో కూడి ఉంటుంది. దీంతో చాలా మంది వ్యక్తులు వారికి ఈ వ్యాధి ఉందని చెప్పడానికి వెనుకంజ వేస్తారు. ఇక దీని నుంచి అధిమించడానికి అవసరమైన సహాయం కోరడానికి కూడా సంకోచిస్తారు. అయితే, క్లెప్టోమేనియా అనేది చికిత్స చేయగల ప్రేరణ నియంత్రణ రుగ్మత అని, ఇది వ్యక్తిత్వ లోపం కాదని గుర్తుంచుకోవడం చాలా ముఖ్యం. కాగ్నిటివ్-బిహేవియరల్ థెరపీ వంటి చికిత్సా పద్ధతులలో పాల్గొనడం ద్వారా దీనిని నయం చేయవచ్చు.

ఈ రుగ్మతతో పాటుగా ఉన్న ఏవైనా మానసిక ఆరోగ్య సమస్యల నుండి బాధితులు బాధపడుతుంటే వాటిని పరిష్కరించుకోవడం ద్వారా, వ్యక్తులు తమ కోరికలను అదుపులో ఉంచుకోవచ్చు. క్లెప్టోమేనియా బాధితులు దొంగతనం చేయడానికి కారణమయ్యే అంశాలను అర్థం చేసుకోవడం మరియు బలవంతపు ప్రవర్తనల స్థానంలో ఆరోగ్యకరమైన పరిష్కార మార్గాలను అలవర్చుకోవడం నేర్చుకోగలరు. మీకు తెలిసిన క్లెప్టోమేనియా బాధితులు ఎవరైనా ఈ రుగ్మతతో ఇబ్బంది పడుతుంటే, వారి జీవితాన్ని తిరిగి పొందడానికి మరియు బలవంతపు ప్రవర్తనల చక్రం నుండి విముక్తి పొందిన భవిష్యత్తును నిర్మించుకోవడానికి మానసిక ఆరోగ్య నిపుణుడిని సంప్రదించడం అత్యంత కీలకమైన అడుగు అని గుర్తించుకోండి.