Img Src : iStockphoto
గుమ్మడికాయ గింజలలో అద్భుతమైన అరోగ్య ప్రయోజనాలు ఉన్నాయన్న విషయం ఇటీవల కాలంలో మనం నిత్యం వింటున్నదే. అయితే అరోగ్యమే కాదు జుట్టు పెరుగుదలలోనూ గుమ్మడి గింజలు అద్భుత ప్రయోజనాలు అందిస్తాయని మీకు తెలుసా!
Img Src : iStockphoto
ఆరోగ్యకరమైన గుమ్మడి విత్తనాలు జుట్టుకు మేలు చేస్తాయి. జుట్టు రాలడాన్ని ఎదుర్కోవడానికి మార్గాలను అన్వేషిస్తున్నారా.. అయితే, జుట్టు పెరుగుదలకు గుమ్మడికాయ గింజలను ఓ సారి ప్రయత్నించి చూడండి. అద్భుత ప్రయోజనాలు చేకూరవచ్చు.
Img Src : iStockphoto
వెంట్రుకలు రాలడం చాలా హృదయ విదారకంగా ఉంటుంది. ఇది ఎంతటి వారినైనా కుంగదీస్తుంది. దీంతో జుట్టుపైనే ధ్యాస పెడుతూ.. మిగతవాటిపై పరధ్యానంగా ఉంటారు. కాగా, జుట్టు రాలడానికి కేశాలంకరణ, ఒత్తిడి లేదా ఆహారం కారణం కావచ్చు.
Img Src : iStockphoto
జుట్టు రాలడాన్ని పట్ల ఎవరైనా బాధపడటం కామన్. జుట్టు వాల్యూమ్ కోల్పోవడాన్ని గమనించగానే, సాధారణంగా ఎవరైనా దానిని నియంత్రించే షాంపూకి మారతారు. ఇవి జుట్టు రాలడాన్ని అరికడుతుంది కానీ జుట్టు పెరగాలంటే.. ఏం చేయాలి.
Img Src : iStockphoto
రాలిన జుట్టు స్థానంలో మళ్లీ కొత్తగా జుట్టు పెరగాలన్నా.. అది ధృఢంగా ఉండాలన్నా అందుకు పెద్దలు మాట వినాలి. లేదా సైన్స్ మార్గాన్ని ఫాలో కావాలి. ఈ రెండూ చెప్పిన మాటే గుమ్మడి గింజల బాట. ఇదే విషయాన్ని సైన్స్ కూడా చెబుతోంది.
Img Src : iStockphoto
అమెరికా జాతీయ లైబ్రరీ ఆఫ్ మెడిసిన్ ప్రచురించిన 2019 అధ్యయనం ప్రకారం, ప్రధానంగా సంతృప్తి, అసంతృప్త కొవ్వు ఆమ్లాలను కలిగి ఉన్న గుమ్మడి గింజల నూనె సమయోచిత తలకు పట్టించడం వల్ల జుట్టు పెరుగుదల వృద్ది చెందుతుంది.
Img Src : iStockphoto
ఆరోగ్యకరమైన జుట్టును నిర్వహణలో గృహ చిట్కాల విషయానికి వస్తే పవర్‌హౌస్‌లాంటి గుమ్మడి గింజలు తరచుగా విస్మరించబడతాయి. వీటిలో మెండైన పోషకాలు, విటమిన్లు జుట్టు పెరుగుదలను ప్రోత్సహించి, జుట్టు రాలడాన్ని నిరోధిస్తాయి.
Img Src : iStockphoto
ఈ గింజల్లో మెగ్నీషియం, ఫాస్పరస్, ఐరన్, కాపర్ వంటి సూక్ష్మపోషకాలతో పాటు విటమిన్ ఎ, బి, సి పుష్కలంగా ఉన్నాయి. గుమ్మడి గింజలలో లభించే జింక్, జుట్టు పెరుగుదల, మరమ్మత్తులో కీలక పాత్ర పోషిస్తుంది.
Img Src : iStockphoto
జింక్ హార్మోన్ స్థాయిలను నియంత్రించి, కణ విభజనను ప్రోత్సహిస్తుంది. ప్రోటీన్ సంశ్లేషణకు మద్దతునిచ్చి కొత్త హెయిర్ ఫోలికల్స్ అభివృద్ధి చేస్తుంది. ఆహారంలో గుమ్మడి గింజలను చేర్చడం వల్ల ఆరోగ్యకరమైన, బలమైన జుట్టు సొంతం.
Img Src : iStockphoto
వీటిల్లో ఉండే ఒమేగా-3 ఫ్యాటీ యాసిడ్స్ జుట్టు షాఫ్ట్‌ను బలోపేతం చేసి, జుట్టు నిర్మాణాన్ని మెరుగుపరుస్తాయి. ఈ ఫ్యాటీ యాసిడ్‌లు స్కాల్ప్‌ను మాయిశ్చరైజ్ చేసి, పొడిబారడం, చికాకును నివారించి, హెయిర్ ఫోలికల్స్‌ను పోషిస్తాయి.
Img Src : iStockphoto
వీటిలోని ఫైటోకెమికల్ సమ్మేళనాలు డైహైడ్రోటెస్టోస్టెరాన్ (DHT) ఉత్పత్తిని నిరోధించి, వాటి స్థాయిలను తగ్గించడం ద్వారా, గుమ్మడికాయ గింజలు జుట్టు రాలడాన్ని తగ్గించడంలో, ఉన్న హెయిర్ ఫోలికల్స్‌ను సంరక్షించడంలో సహాయపడతాయి.
Img Src : iStockphoto
ఈ గింజలు విటమిన్ ఇ వంటి యాంటీఆక్సిడెంట్లతో నిండి, ఆక్సీకరణ ఒత్తిడి నుండి శిరోజాలను రక్షిస్తాయి. శిరోజాల ఆరోగ్యాన్ని కాపాడి, తద్వారా జుట్టు పెరుగుదలకు అవసరమైన హెల్తీ స్కాల్ప్ అందిస్తాయి. వీటితో స్కాల్ప్ ఇన్ఫ్లమేషన్‌కు చెక్ పడుతుంది.
Img Src : iStockphoto
షాంపూలు, కండిషనర్లు, హెయిర్ మాస్క్‌లు వంటి వివిధ జుట్టు సంరక్షణ ఉత్పత్తులలో గుమ్మడికాయ గింజల నూనెను ఒక మూలవస్తువుగా కనుగొనవచ్చు లేదా లోతైన కండిషనింగ్ చికిత్స కోసం నేరుగా తలపై ఉపయోగించవచ్చు.
Img Src : iStockphoto
జుట్టు రాలే సమస్యకు సహజమైన, సమర్థవంతమైన పరిష్కారం గుమ్మడి గింజలని చెప్పిన పెద్దల మాటలు అక్షర మూటలు. సైన్స్ కూడా ఈ విషయాన్ని రూడీ చేసింది. కాబట్టి, ఈ గింజలను రోజువారీగా తీసుకోవడానికి ప్రాధాన్యతను ఇవ్వాలి.
Img Src : iStockphoto