తేలికపాటి సబ్బు రహిత క్లీన్సర్లతో ముఖాన్ని రోజుకు రెండుసార్లు కడగాలి. వర్షాకాలంలో మొటిమల సమస్యతో బాధపడేవారు భారీ, చమురు ఆధారిత చర్మ సంరక్షణ ఉత్పత్తులను వినియోగించకపోవడం ఉత్తమం. నీటి ఆధారిత మాయిశ్చరైజర్‌తో చర్మాన్ని హైడ్రేట్‌గా ఉంచాలి.

వర్షకాల చర్మవ్యాధుల్లో తామర, చర్మ వాపులు కూడా ఒకటి. పొడి, పొక్కులు చర్మం దురదలకు కారణమవుతుంది. బలహీనమైన చర్మం కారణంగా ఇది సంభవిస్తుంది. గాలితో తేమ అధికంగా ఉండటం వల్ల అలెర్జీ కారకాలు ఉత్పన్నమై తామర, చర్మవాపులు తీవ్రతరం అవుతాయి.

వర్షాకాలంలో సంభవించే షెగ గడ్డలు చికిత్సలో అవి ఉత్పన్నమైన ప్రభావిత ప్రాంతాన్ని పొడిగా, శుభ్రంగా ఉంచాలి. దురదను తగ్గించడానికి కాలమైన్ లోషన్ లేదా అలోవెరా జెల్ రాయండి. దీంతో కొంత ఉపశమనం పోందడంతో పాటు చెమట నాళాలు తెరుచుకుంటాయి.

చర్మంలో కొన్ని ప్రాంతాలు నల్లబడటం ద్వారా ఏర్పడే చర్మ పరిస్థితే హైపర్ పిగ్మెంటేషన్. వర్షాకాలంలో, అధిక సూర్యరశ్మి మెలనిన్ ఉత్పత్తిని ప్రేరేపించి, నల్లమచ్చలకు కారణం అవుతుంది. అధిక తేమతో చర్మరంధ్రాలు మూసుకుపోవడం వల్ల పిగ్మెంటేషన్ కు గురవుతుంది.