ఎన్ని మందులకీ లొంగని ఏలికపాములు, బద్దె పురుగు (టేప్ వార్మ్) లాంటి మొండి ఘటాలకు కూడా మోదుగ చాలా చక్కని పరిష్కారం. చిన్నపిల్లల్లో నులిపురుగుల సమస్యలకు కూడా ఇదే ఔషధం. మోదుగ విత్తనాల పొడిని తేనెలో కలిపి ఇవ్వడం ద్వారా వెంటనే ఉపశమనం లభిస్తుంది.

మొలల సమస్యకు మోదుగ చక్కని పరిష్కారం. ఫైల్స్ గా పిలిచే ఈ సమస్యకు మోదుగ దివ్యౌషధం. మోదుగ చెట్టు కాడలను తెచ్చి మెత్తగా నూరి మొలల మీద వేసి కట్టు కట్టాలి. ఇలా వారం రోజులు చేస్తూ ఉంటే మొలలు ఊడిపోయి శాశ్వత పరిష్కారం లభిస్తుంది.

మోదుగ గింజలను జిల్లేడు పాలతో కలిపి బాగా నూరి తేలు కుట్టిన చోట రాయడం వల్ల తేలు కుట్టినపుడు కలిగే నొప్పి తొందరగా తగ్గిపోతుంది. ఏనుగు గజ్జి అనే చర్మవ్యాధి (ఏక్జిమా) వచ్చినవారికి, మోదుగ విత్తనాల పొడిలో, కొద్దిగా నిమ్మరసాన్ని కలిపి రాస్తే ఉపశమనం కనిపిస్తుంది.

యజ్ఞయాగాదులలో మోదుగను హోమద్రవ్యంగా వాడతారు. నెయ్యితో కలసి మండటం వల్ల దీనిలోని ఔషధ గుణాలు ద్విగుణీకృతమవుతాయి. ఈ పొగ పీల్చడం వల్ల అనేక జబ్బులు నయమవుతాయి. దీంతో ప్లీహ, శ్లేష్మ రోగాలు, మూల వ్యాధులు నయం అవుతాయి.