రిలేషన్ షిప్ ఆందోళన అంటే, ఒక సంబంధంలో అన్నీ సాపేక్షంగా బాగానే ఉన్నప్పటికీ, తలెత్తే ఆందోళన. దీనినే అభద్రతా భావం మరియు సందేహాల భావనగా కూడా పేర్కొంటారు. ఈ విధమైన అందోళన ముఖ్యంగా యువతలో ఎక్కువగా కనిపిస్తుంది. ఒక గొప్ప వ్యక్తిని ప్రేమిస్తూ వారితో సంబంధంలో ఉన్నప్పుడు లేదా కొత్తగా పెళ్లైన భార్యభర్తలలో ఈ తరహా అందోళనలు తలెత్తుతుంటాయి. వారిపై మీరు నమ్మకాన్ని పెంచుకున్నా, హద్దులను ఏర్పరచుకున్నారు. ఒకరి కమ్యూనికేషన్ శైలులను మరొకరు నేర్చుకుని ఇక ఇద్దరూ కాదు ఒక్కరే అన్నట్లుగా కలసిపోయిన అదే సమయంలో మీలో సందేహాలు తలెత్తుతాయి. మీరు మిమ్మల్ని, మీ భాగస్వామిని, మీ సంబంధాన్ని నిరంతరం ప్రశ్నించుకోవడం గమనించవచ్చు. ఈ ప్రశ్నల్లో ఈ బంధం నిలబడుతుందా? ఈ వ్యక్తి నిజంగా మీకు సరైన వారేనా? కాదా?, దానిని ఎలా తెలుసుకోవడం? ఒకవేళ వారు ఏదైనా రహస్యాన్ని దాచిపెడుతుంటే? ఒకవేళ ఆరోగ్యకరమైన, నిబద్ధతతో కూడిన సంబంధాన్ని కొనసాగించడంలో మీరు అసమర్థులైతే? ఈ నిరంతర ఆందోళనకు ఉన్న పేరే రిలేషన్ షిప్ అందోళన.

ఇది సాధారణమేనా?                     Is it normal?

“రిలేషన్ షిప్ ఆందోళన చాలా సాధారణం,” అని సంబంధాల సమస్యలతో బాధపడుతున్న జంటలకు సహాయం చేసే సైకోథెరపిస్ట్ ఆస్ట్రిడ్ రాబర్ట్‌సన్ అంటున్నారు. కొంతమంది తమ భాగస్వామికి తమపై సమానమైన ఆసక్తి ఉందని తెలుసుకునే ముందు, సంబంధం ప్రారంభంలోనే రిలేషన్ షిప్ ఆందోళనను అనుభవిస్తారు. కానీ ఈ భావనలు నిబద్ధతతో కూడిన, దీర్ఘకాలిక సంబంధాలలో కూడా తలెత్తవచ్చు.

కాలక్రమేణా, రిలేషన్ షిప్ ఆందోళన దీనికి దారితీయవచ్చు:

• మానసిక వేదన
• ప్రేరణ లేకపోవడం
• అలసట లేదా మానసిక నిస్సత్తువ
• కడుపు నొప్పి మరియు ఇతర శారీరక సమస్యలు

మీ ఆందోళన సంబంధంలో ఉన్న ఏ విషయం నుండీ రాకపోవచ్చు. కానీ అది చివరికి మీకూ మరియు మీ భాగస్వామికీ సమస్యలi, అవేదనను కలిగించే ప్రవర్తనలకు దారితీయవచ్చు.

రిలేషన్షిప్ ఆందోళన సంకేతాలు?    Signs of relationship anxiety?

రిలేషన్ షిప్ ఆందోళన వివిధ మార్గాల్లో వ్యక్తమవుతుంది. చాలా మంది ప్రజలు ఏదో ఒక సమయంలో తమ సంబంధం గురించి కొద్దిగా అభద్రతా భావంతో ఉంటారు, ముఖ్యంగా డేటింగ్ మరియు నిబద్ధత ఏర్పరచుకునే ప్రారంభ దశలలో రిలేషన్ షిప్ ఒత్తిడి కొద్దిగా ఎక్కువగా ఉంటుంది. ఇది అసాధారణం కాదు, కాబట్టి మీరు తాత్కాలిక సందేహాలు లేదా భయాలు సాధారణము. ప్రత్యేకించి ఈ అందోళనలు మిమ్మల్ని ఎక్కువగా ప్రభావితం చేస్తే మాత్రం ఆందోళన చెందాల్సిన అవసరం ఉంటుంది. ఈ ఆందోళనకరమైన ఆలోచనలు కొన్నిసార్లు పెరిగి మీ రోజువారీ జీవితంలోకి చొచ్చుకుపోతాయి. రిలేషన్ షిప్ ఆందోళన యొక్క కొన్ని సంభావ్య సంకేతాలు ఇక్కడ ఉన్నాయి:

1. “మీ భాగస్వామికి మీరు ముఖ్యమా”    Are you matter to your partner

రిలేషన్ షిప్ ఆందోళన యొక్క అత్యంత సాధారణ వ్యక్తీకరణ ‘నేను ముఖ్యమా?’ లేదా ‘నువ్వు నా కోసం ఉన్నావా?’ అనే అంతర్లీన ప్రశ్నలకు సంబంధించినది. ఇది మీకు మీ భాగస్వామితో అనుబంధంలో ఏర్పడే భావన మరియు భద్రతను అనుభూతి చెందాలనే ప్రాథమిక అవసరాన్ని తెలియజేస్తుంది.

మీ ఆందోళనలు ఇలా ఉండవచ్చు:

• మీరు పక్కన లేకపోతే మీ భాగస్వామి మిమ్మల్ని అంతగా మిస్ అవుతున్నారా.?
• ఏదైనా తీవ్రమైన సమస్య వస్తే వారు సహాయం లేదా మద్దతు ఇస్తారా?
• మీరు వారి కోసం ఏమి చేయగలరో దాని కోసమే వారు మీతో ఉండాలనుకుంటున్నారా?

2. భాగస్వామి భావాలపై సందేహం      Doubting your partner’s feelings for you

మీ భాగస్వామి మిమ్మల్ని చూసినప్పుడు ఎప్పుడూ సంతోషంగా ఉన్నట్లు కనిపిస్తారు. మీకు భోజనం తీసుకురావడం లేదా మిమ్మల్ని ఇంటి దగ్గర దింపడానికి తమ దారి కాకపోయినా నడిచి వెళ్లడం వంటి మంచి పనులు చేస్తారు. అంటే మీతో కొంత సమయాన్ని గడపాలని భావిస్తుంటారు. అయినప్పటికీ, “వారు నిజంగా ప్రేమించడం లేదు” అనే పదే పదే వచ్చే సందేహాన్ని మీరు వదిలించుకోలేరు. బహుశా వారు నెమ్మదిగా స్పందించవచ్చు, లేదా చాలా గంటలు, కొన్నిసార్లు ఒక రోజు పాటు కూడా సందేశాలకు ప్రత్యుత్తరం ఇవ్వకపోవచ్చు. అకస్మాత్తుగా కొద్దిగా దూరంగా ఉన్నట్లు అనిపించినప్పుడు, వారి భావాలు మారాయేమో అని మీరు ఆశ్చర్యపోతారు. ప్రతి ఒక్కరూ అప్పుడప్పుడు ఇలాగే భావిస్తారు, కానీ మీకు రిలేషన్ షిప్ ఆందోళన ఉంటే ఈ చింతలు ఒక స్థిరమైన ఆలోచనగా మారవచ్చు.

3. విడిపోవాలన్న భావనతో ఆందోళన చెందడం    Worrying they want to break up

ఒక మంచి సంబంధం మిమ్మల్ని ప్రేమగా, సురక్షితంగా మరియు సంతోషంగా భావించేలా చేస్తుంది. ఈ భావాలను నిలుపుకోవాలని మరియు సంబంధానికి ఎలాంటి ఆటంకం కలగకూడదని ఆశించడం చాలా సహజం. కానీ ఈ ఆలోచనలు కొన్నిసార్లు మీ భాగస్వామి మిమ్మల్ని విడిచిపెడతారనే నిరంతర భయంగా మారవచ్చు. దీంతో నిరంతర ప్రేమను పొందడం కోసం మీరు మీ ప్రవర్తనను మార్చుకున్నప్పుడు ఈ ఆందోళన సమస్యాత్మకంగా మారుతుంది.

ఉదాహరణకు, మీరు ఇలా చేయవచ్చు:

• సంబంధంలో మీకు ముఖ్యమైన పసులు ఆలస్యం చేయడం వంటి సమస్యలను ప్రస్తావించడం మానుకోవడం
• మీ భాగస్వామి మీ ఇంట్లో బూట్లు వేసుకోవడం వంటి మీకు ఇబ్బంది కలిగించే పనులు చేసినప్పుడు వాటిని పట్టించుకోకుండా ఉండటం
• వారు కోపంగా కనిపించకపోయినా, వారు మీపై కోపపడతారేమో అని ఎక్కువగా ఆందోళన చెందడం

4. దీర్ఘకాలిక అనుకూలతపై సందేహించడం   Doubting long-term compatibility

మీ ఇద్దరి మధ్య సంబంధంలో అనేక విషయాలు చాలా బాగా జరుగుతుంటాయి. అయినా, మీరు మరియు మీ భాగస్వామి నిజంగా ఒకరికొకరు అనుకూలంగా ఉన్నారా లేదా అని  రిలేషన్ షిప్ ఆందోళన ప్రశ్నించేలా చేస్తుంది. మీరు నిజంగా సంతోషంగా ఉన్నారా లేదా కేవలం అలా అనుకుంటున్నారా అని కూడా మీరు ప్రశ్నించుకోవచ్చు. దీనికి ప్రతిస్పందనగా, మీరు చిన్న చిన్న తేడాలపై దృష్టి పెట్టడం ప్రారంభించవచ్చు. మీ భాగస్వామికి స్పోర్ట్స్ ఛానెల్ అంటే ఇష్టమై అది పెట్టుకుంటే.. మీకు వంటల ఛానెల్ ఇష్టంకావచ్చు. దీంతో వంటల ప్రాముఖ్యతను మీరు అతిగా నొక్కి చెప్పవచ్చు.

5. సంబంధాన్ని నాశనం చేసుకోవడం         Sabotaging the relationship

రిలేషన్ షిప్ ఆందోళనలో సంబంధాన్ని నాశనం చేసుకునే ప్రవర్తనలకు మూలాలు ఉండవచ్చు. సంబంధాన్ని దెబ్బతీసే విషయాలలో ఇవి ఉండవచ్చు:

• మీ భాగస్వామితో వాదనలు ఎంచుకోవడం
• మీరు బాధలో ఉన్నప్పుడు తప్పు లేదని పట్టుబట్టి వారిని దూరంగా నెట్టడం
• మీ భాగస్వామికి చెప్పకుండా మాజీతో భోజనం చేయడం వంటి సంబంధాల సరిహద్దులను పరీక్షించడం

మీరు ఈ పనులు ఉద్దేశపూర్వకంగా చేయకపోవచ్చు. మీ భాగస్వామిని దూరంగా నెట్టడానికి మీరు చేసే ప్రయత్నాలను నిరోధించడం వల్ల వారు మిమ్మల్ని నిజంగా ప్రేమిస్తున్నారని నిరూపిస్తుందని మీరు నమ్మవచ్చు. కానీ మీ భాగస్వామి ఈ అంతర్లీన ఉద్దేశ్యాన్ని గుర్తించడం చాలా కష్టమని రాబర్ట్‌సన్ ఎత్తి చూపారు.

6. మాటలు, చర్యలను గుర్తించడం             Reading their words and actions

మీ భాగస్వామి మాటలు మరియు చర్యలను అతిగా ఆలోచించే ధోరణి కూడా రిలేషన్ షిప్ ఆందోళనను సూచిస్తుంది. వీధిలో నడుస్తున్నప్పుడు బహుశా వారు చేతులు పట్టుకోవడానికి ఇష్టపడకపోవచ్చు. మీరు ధైర్యం చేసి వారితో కలిసి వెళ్ళినప్పుడు, ఏదో ఒక అంశంపై వాదించడం లేదా అది అలానే ఉంచాలని పట్టుబడుతుంటారు. ఖచ్చితంగా, ఇవన్నీ సంభావ్య సమస్యకు సంకేతాలు కావచ్చు. అయితే వారి చేతులకు చెమటలు ఎక్కువగా పట్టే కారణంగా మీ చేయి పట్టుకోలేదని, లేదా తమ ఇష్టమైన అంశంపై వారికి అమితమైన ఇష్టం కారణంగా పట్టుబడుతున్నారేమో అన్నది కూడా తెలుసుకోవాలి.

7. మంచి సమయాలను కోల్పోతున్నారా?      Missing out on the good times

మీరు రిలేషన్ షిప్ ఆందోళనతో వ్యవహరిస్తున్నారో లేదో ఇంకా ఖచ్చితంగా తెలియదా? అయితే, ఒక అడుగు వెనక్కి వేసి మిమ్మల్ని మీరు ఇలా ప్రశ్నించుకోండి. భాగస్వామితో సంబంధాన్ని ఆస్వాదించడం కంటే దాని గురించి ఎక్కువ సమయం చింతిస్తూ గడుపుతున్నానా?, ఇదే సమాధానం ఇస్తుంది. అయితే ఇలా మీరు తరచుగా భావిస్తే, బహుశా కొంత రిలేషన్ షిప్ ఆందోళనతో వ్యవహరిస్తున్నారు. కాగా, కేవలం కష్ట సమయాల్లో మాత్రమే ఇలా భావిస్తే అది సాధారణం.

దానికి కారణమేమిటి?                   What causes it?

మీ ఆందోళన వెనుక ఉన్నదాన్ని గుర్తించడానికి సమయం మరియు అంకితమైన స్వీయ-అన్వేషణ అవసరం. ఎందుకంటే మీ ఉత్పన్నమయ్యే రిలేషన్ షిప్ ఆందోళనలు అన్నింటికీ ఒకే స్పష్టమైన కారణం లేదు. మీరు మీ స్వంతంగా సంభావ్య కారణాలను గుర్తించడంలో కూడా ఇబ్బంది పడవచ్చు. ఆందోళనకు గల కారణాన్ని మీరు తెలుసుకోలేకపోవచ్చు. కానీ అది ఎలా ఉన్నప్పటికీ, అంతర్లీన కారణాలు సాధారణంగా కనెక్షన్ కోసం కోరికను ప్రతిబింబిస్తాయి. రిలేషన్ షిప్ ఆందోళనకు పాత్ర పోషించే కొన్ని సాధారణ అంశాలు ఇక్కడ పోందుపర్చాము.

మునుపటి సంబంధ అనుభవాలు   Previous relationship experiences

గతంలో జరిగిన విషయాల జ్ఞాపకాలు మీరు వాటిని ఎక్కువగా మరచిపోయారని మీరు అనుకున్నప్పటికీ, మిమ్మల్ని ప్రభావితం చేస్తూనే ఉంటాయి. మీ గత భాగస్వామి ఇలా చేసి ఉంటే.. అది మీరు రిలేషన్ షిప్ ఆందోళనను అనుభవించే అవకాశాన్ని ఎక్కువగా చేస్తుంది. వాటిలో:

• మీ గత భాగస్వామి మిమ్మల్ని మోసం చేసారు
• ఊహించని విధంగా మిమ్మల్ని వదిలేశారు
• మీ పట్ల వారి భావాల గురించి అబద్ధం చెప్పారు
• మీ సంబంధ స్వభావం గురించి మిమ్మల్ని తప్పుదారి పట్టించారు
• మీరు గాయపడిన తర్వాత మళ్ళీ ఇతరులను నమ్మడం కష్టంగా ఉండటం అసాధారణం కాదు.

మీ ప్రస్తుత భాగస్వామి దాటవేసే సమాధానాలు లేదా నిజాయితీ లేని సంకేతాలు చూపించకపోయినా, మీలోని గతం తాలుకు ట్రిగ్గర్‌లు రిలేషన్ షిఫ్ అందోళనకు, సందేభాలకు, అభద్రతా భావన్ని రేకెత్తిస్తాయి.

తక్కువ ఆత్మగౌరవం       Low self-esteem

తక్కువ ఆత్మగౌరవం కొన్నిసార్లు సంబంధాల అభద్రత మరియు ఆందోళనకు దోహదం చేస్తుంది. కొన్ని పాత పరిశోధనలు తక్కువ ఆత్మగౌరవం ఉన్న వ్యక్తులు స్వీయ సందేహాన్ని ఎదుర్కొన్న సందర్భంలో వారి భాగస్వామి భావాలను అనుమానించే అవకాశం ఎక్కువగా ఉందని సూచిస్తున్నాయి. ఇది ఒక రకమైన ప్రొజెక్షన్‌గా జరగవచ్చు. మరో మాటలో చెప్పాలంటే, మీలో మీరు నిరాశ చెందడం వల్ల మీ భాగస్వామి కూడా మీ గురించి అలాగే భావిస్తున్నారని మీరు సులభంగా నమ్మవచ్చు. మరోవైపు, అధిక స్థాయి ఆత్మగౌరవం ఉన్న వ్యక్తులు స్వీయ సందేహాన్ని అనుభవించినప్పుడు వారి సంబంధాల ద్వారా తమను తాము ధృవీకరించుకుంటారు.

అటాచ్‌మెంట్ శైలి           Attachment style

బాల్యంలో మీరు అభివృద్ధి చేసుకునే అటాచ్‌మెంట్ శైలి పెద్దవారిగా మీ సంబంధాలపై పెద్ద ప్రభావాన్ని చూపుతుంది. మీ తల్లిదండ్రులు లేదా సంరక్షకులు మీ అవసరాలకు త్వరగా స్పందించి ప్రేమ మరియు మద్దతు అందించినట్లయితే, మీరు బహుశా సురక్షితమైన అటాచ్‌మెంట్ శైలిని అభివృద్ధి చేసుకున్నారు. వారు మీ అవసరాలను స్థిరంగా తీర్చకపోతే లేదా మీమ్మల్ని స్వతంత్రంగా అభివృద్ధి చెందనివ్వకపోతే, మీ అటాచ్‌మెంట్ శైలి తక్కువ సురక్షితం.

• ఈ తరహా అసురక్షిత అటాచ్‌మెంట్ శైలులు వివిధ మార్గాల్లో రిలేషన్ షిప్ ఆందోళనకు దోహదం చేస్తాయి:
• అటాచ్‌మెంట్‌ను నివారించడం మీరు చేస్తున్న నిబద్ధత స్థాయి గురించి లేదా సాన్నిహిత్యాన్ని పెంచుకోవడం గురించి ఆందోళనకు దారితీస్తుంది.

మరోవైపు, ఆందోళనకరమైన అటాచ్‌మెంట్ కొన్నిసార్లు మీ భాగస్వామి మిమ్మల్ని ఊహించని విధంగా వదిలివేస్తుందనే భయాలకు దారితీస్తుంది. అసురక్షిత అటాచ్‌మెంట్ శైలిని కలిగి ఉండటం అంటే మీరు ఎల్లప్పుడూ రిలేషన్ షిప్ ఆందోళనను అనుభవించాల్సి ఉంటుందని అర్థం కాదని గుర్తుంచుకోండి. మీరు ఒక రకమైన వ్యక్తిత్వం నుండి మరొక రకమైన వ్యక్తిత్వానికి మారలేనట్లే, మీ అనుబంధ శైలిని పూర్తిగా మార్చుకోలేరు. కానీ మీరు ఖచ్చితంగా తగినంత మార్పులు చేసుకోవచ్చు, తద్వారా అసురక్షిత అనుబంధ శైలి జీవితంలో మిమ్మల్ని వెనక్కి నెట్టదు.

ప్రశ్నించే ధోరణి             A tendency to question

ప్రశ్నించే స్వభావం కూడా రిలేషన్ షిప్ ఆందోళనకు కారణమవుతుంది. మీరు ఒక మార్గాన్ని నిర్ణయించే ముందు పరిస్థితి యొక్క అన్ని సాధ్యమైన ఫలితాలను పరిగణించాల్సి ఉంటుంది. ప్రతి నిర్ణయాన్ని జాగ్రత్తగా పరిశీలించే అలవాటు మీకు ఉండవచ్చు. మీరు మీ ఎంపికల గురించి చాలా ప్రశ్నలు అడగడానికి ఇష్టపడితే, మీరు వాటిని తీసుకున్న తర్వాత కూడా, మీ సంబంధాన్ని ప్రశ్నించడానికి కొంత సమయం వెచ్చిస్తారు. ఇది ఎల్లప్పుడూ సమస్య కాదు. నిజానికి, మీరు తీసుకునే ఎంపికల గురించి, ముఖ్యమైన వాటి గురించి ఆలోచించడానికి సమయం కేటాయించడం సాధారణంగా ఆరోగ్యకరమైనది. మీరు అంతులేని ప్రశ్నల నమూనాలో మరియు స్వీయ సందేహంలో చిక్కుకున్నట్లు అనిపిస్తే, అది ఉత్పాదకతకు దారితీయదు.

మీరు దానిని అధిగమించగలరా?           Can you overcome it?

రిలేషన్ షిప్ ఆందోళన ప్రస్తుతానికి మిమ్మల్ని అవేదనకు, అభద్రతా భావానికి గురిచేసినా క్రమంగా దానిని అధిగమించవచ్చు. దీనికి కొంత సమయం మరియు కృషి అవసరం. అలా చేయడంలో సాధారణంగా మీ సంబంధం బాగానే ఉందని చెప్పడం కంటే ఎక్కువ ఉంటుంది. ఒకరి ఆందోళన అంటే సంబంధంలో ఏదో అంతర్లీన సమస్య ఉందని అర్థం కాదు, నిజానికి వారు బాగా ప్రేమించబడినా ఈ అందోళనలు ఉత్పన్నం కావచ్చు. కాగా, అంతా బాగుందని, తాము నిజంగా సురక్షితంగా ఉన్నామని వారికి ఆ భావన కలిగేంత వరకు, ఆ ఆందోళన కొనసాగే అవకాశం ఉంది. రిలేషన్ షిప్ ఆందోళన ఒక సమస్యగా మారకముందే, దానిని ప్రారంభ దశలోనే పరిష్కరించుకోవాలి. అందుకు ఈ క్రింది చిట్కాలు సహాయపడవచ్చు.

మీ గుర్తింపును కాపాడుకోండి              Maintain your identity

మీరు మరియు మీ భాగస్వామి మరింత దగ్గరైనప్పుడు, మీ భాగస్వామికి మరియు బంధానికి చోటు కల్పించడానికి మీ గుర్తింపు, వ్యక్తిత్వం లేదా మీ స్వాతంత్ర్యంలోని ముఖ్యమైన భాగాలు మారడాన్ని మీరు గమనించవచ్చు. మీరు మరియు మీ భాగస్వామి ఒక జంటగా మారినప్పుడు ఇది తరచుగా సహజంగా జరుగుతుంది. మీ ఆత్మగౌరవంపై పెద్దగా ప్రభావం చూపకపోవచ్చు, కానీ మరికొన్ని చూపవచ్చు. బంధంలో మీ ఆత్మగౌరవాన్ని కోల్పోవడం లేదా మీ భాగస్వామి ఏమి కోరుకుంటున్నారని మీరు భావిస్తున్నారో దానికి అనుగుణంగా మారడం మీ ఇద్దరికీ సహాయపడదు. మీతో డేటింగ్ చేయాలనుకోవడానికి మీ భాగస్వామికి ఉన్న కారణాలు మీరు ఎలా ఉన్నారో దానితో చాలా సంబంధం కలిగి ఉంటాయి. బంధాన్ని నిలుపుకోవడానికి మీరు మీలోని కొన్ని అంశాలను అణచివేయడం ప్రారంభిస్తే, మీరు మీలా మీరు లేనట్లు మీ భాగస్వామి భావించవచ్చు. అంతేకాకుండా, మీ భాగస్వామి కూడా తాము ప్రేమించిన వ్యక్తిని కోల్పోయినట్లు భావన కలగవచ్చు.

అధిక అప్రమత్తతతో వ్యవహరించండి      Try being more mindful

అప్రమత్తత పద్ధతులలో తీర్పు చెప్పకుండా ప్రస్తుత క్షణంలో ఏమి జరుగుతుందో దానిపై మీ దృష్టిని కేంద్రీకరించడం ఉంటుంది. ప్రతికూల ఆలోచనలు వచ్చినప్పుడు, మీరు వాటిని గుర్తించి, వదిలేయాలి. మీరు ప్రతికూల ఆలోచనల సుడిగుండంలో చిక్కుకున్నప్పుడు ఇది ప్రత్యేకంగా ఉపయోగపడుతుంది. ఇది మీ భాగస్వామితో మీ రోజువారీ అనుభవాలకు ప్రాధాన్యత ఇవ్వడానికి కూడా మీకు సహాయపడుతుంది. ఏదేమైనా, బహుశా ఈ బంధం కొన్ని నెలల్లో లేదా కొన్ని సంవత్సరాలలో ముగిసిపోవచ్చు, కానీ ఈలోగా మీరు దానిని అభినందించి ఆస్వాదించవచ్చు.

మంచి సంభాషణను పాటించండి        Practice good communication

బంధం గురించిన ఆందోళన తరచుగా లోపలి నుండే వస్తుంది, కాబట్టి దీనికి మీ భాగస్వామితో సంబంధం ఉండకపోవచ్చు. కానీ ఏదైనా నిర్దిష్ట విషయం మీ ఆందోళనకు ఆజ్యం పోస్తుంటే — అది మీరు మాట్లాడేటప్పుడు వారు ఫోన్‌తో ఆడుకోవడం కావచ్చు లేదా పండుగలకు మీ కుటుంబాన్ని సందర్శించడానికి ఇష్టపడకపోవడం కావచ్చు — దానిని గౌరవప్రదంగా మరియు నిందలు వేయని పద్ధతిలో ప్రస్తావించడానికి ప్రయత్నించండి. మీ భాగస్వామి మిమ్మల్ని నిజంగా ప్రేమిస్తున్నారని మరియు మీ ఆందోళన మీ లోపలి నుండే వస్తుందని మీకు తెలిసినప్పటికీ, మీ భాగస్వామిని కూడా ఈ విషయంలో భాగస్వామ్యం చేయడం సహాయపడుతుంది. మీరు ఏమి ఆలోచిస్తున్నారో మరియు దానిని ఎలా ఎదుర్కోవడానికి ప్రయత్నిస్తున్నారో మీరు వివరించవచ్చు. వారి హామీ మీ ఆందోళనను పూర్తిగా తగ్గించకపోవచ్చు, కానీ అది హాని చేయదు. అంతేకాకుండా, మనసు విప్పి మాట్లాడటం మరియు బలహీనతలను పంచుకోవడం మీరు ఇప్పటికే ఉన్న బంధాన్ని బలపరుస్తుంది.

మీ భావాల ప్రకారం ప్రవర్తించవద్దు     Avoid acting on your feelings

మీ బంధం లేదా మీ భాగస్వామి గురించి ఆందోళనగా అనిపించినప్పుడు, కొన్నిసార్లు అంతా బాగానే ఉందని రుజువు కావాలని మీకు అనిపించవచ్చు. మిమ్మల్ని మీరు ఓదార్చుకోవాలని కోరుకోవడం సహజమే, కానీ పనికిరాని లేదా హానికరమైన మార్గాల్లో ఈ రుజువును కనుగొనాలనే ప్రేరణను నిరోధించుకోండి. మీ సాధారణ ప్రవర్తనలకు మరియు ఆకస్మిక చర్యలకు మధ్య ఉన్న వ్యత్యాసాన్ని గమనించండి. మీ సంబంధంలో క్రమం తప్పకుండా టెక్స్ట్ చేయడం సాధారణం కావచ్చు, మరియు స్థిరమైన సంభాషణను కొనసాగించడం మీ అనుబంధ భావనను బలపరచడంలో సహాయపడుతుంది. కానీ మీ భాగస్వామి స్నేహితులతో ఉన్నారని మీకు తెలిసినప్పుడు, వారు ఎక్కడ ఉన్నారు మరియు ఏమి చేస్తున్నారని గంటలో చాలాసార్లు టెక్స్ట్ సందేశాలు పంపడం సంఘర్షణకు దారితీయవచ్చు. మీకు ఇలాంటి ప్రేరణలు కలిగినప్పుడు, లోతైన శ్వాస తీసుకోవడం, నడవడం లేదా జాగింగ్ చేయడం, లేదా సన్నిహిత స్నేహితుడికి త్వరగా ఫోన్ చేయడం వంటి వాటితో మీ దృష్టిని మళ్లించడానికి ప్రయత్నించండి.

థెరపిస్ట్‌తో మాట్లాడండి                 Talk with a therapist

మీరు మీ రిలేషన్ షిప్ ఆందోళనను మీ అంతట మీరే అధిగమించడానికి కష్టపడుతుంటే, థెరపిస్ట్‌తో మాట్లాడటం మీకు కొంత స్పష్టత పొందడంలో సహాయపడుతుంది. రిలేషన్ షిప్ ఆందోళన యొక్క ప్రభావాలను ఎలా ఎదుర్కోవాలో నేర్చుకోవడానికి ఇది ఒక గొప్ప మార్గం.

రిలేషన్ షిప్ ఆందోళన కోసం, జంటలతో పనిచేసే థెరపిస్ట్ ప్రత్యేకంగా సహాయపడగలరు.

వారు మీ ఇద్దరికీ ఈ క్రింది విషయాలలో సహాయపడగలరు:

• మీ స్వంత మరియు ఒకరికొకరి భావాలను మరియు అంతర్లీన అవసరాలను అర్థం చేసుకోవడం
• తీర్పు లేదా ఆత్మరక్షణ లేకుండా ఒకరి అనుభవాలను మరొకరు వినడం
• ఆందోళనను తగ్గించే లేదా శాంతపరిచే మార్గాల్లో మీరు శ్రద్ధ చూపుతున్నారని తెలియజేయడం

ఇది దీర్ఘకాలికంగా ఉండవలసిన అవసరం కూడా లేదు. 2017 నాటి ఒక అధ్యయనం ప్రకారం, రిలేషన్ షిప్ ఆందోళనపై ఒకే ఒక్క విద్యా సెషన్ కూడా జంటలకు సహాయపడుతుందని సూచిస్తుంది.

చివరిగా.!

ఏ సంబంధమూ శాశ్వతం కాదు, ఈ నిజాన్ని అంగీకరించడం కష్టంగా ఉండవచ్చు. మీరు సంబంధాల గురించిన ఆందోళనను పూర్తిగా నివారించలేకపోయినా, నిరంతర సందేహాలను తగ్గించుకోవడానికి మరియు మీ భాగస్వామితో మీకు ఉన్న బంధాన్ని ఆస్వాదించడానికి ఎక్కువ సమయం గడపడానికి మీరు చేయగలిగిన కొన్ని పనులు ఉన్నాయి. మీ పట్ల మీ భాగస్వామి భావాల గురించి సందేహించడం మరియు వారు సంబంధాన్ని ముగించేస్తారని భయపడటమే రిలేషన్ షిఫ్ అందోళన. దీర్ఘకాలిక అనుకూలత గురించి కూడా సందేహించవచ్చు లేదా మీరు వారి కోసం ఏమి చేయగలరో దాని కోసమే వారు ఉన్నారని ఆందోళన చెందవచ్చు. దీనిని అనేక రూపాలను తీసుకోవచ్చు. అధికంగా ఆందోళన చెందడం వల్ల  మానసికంగా అలసటకు కూడా గురి కావచ్చు. అంతేకాదు కడుపు నొప్పి వంటి శారీరక లక్షణాలకు దారితీయవచ్చు. మీ భాగస్వామితో రిలేషన్ పట్ల నిరుత్సాహంగా అనిపించవచ్చు. అందోళన శృతిమించితే వారితో గొడవలు పెట్టుకోవడం ద్వారా రిలేషన్ షిప్ ను నాశనం చేసుకునే చర్యలలో పాల్గొనవచ్చు.

రిలేషన్ షిప్ ఏర్పడిన కొత్తలో ఈ తరహా ఆందోళనను అనుభవించడం సాధారణం. మీ భాగస్వామికి మీ పట్ల సమానమైన ఆసక్తి ఉందా? లేదా? అన్న సందేహాలే ఇందుకు కారణం కావచ్చు. మీకు వారితో సంబంధం ఏర్పచ్చుకోవాలా.? కొనసాగించాలా? వద్దా అనే దానిపై మీకు ఖచ్చితంగా తెలియకపోవచ్చు. ఈ సందేహాలు మీరు మీ భాగస్వామిని విశ్వసించడం కష్టతరం చేస్తాయి. అయితే ఇవన్నీ కొత్తలో, ఎందుకంటే వారు మీకు అంతగా తెలియదు కాబట్టి. కాలక్రమేనా ఇది సర్ధుకుపోతుంది. కాగా రిలేషన్ షిప్ ఆందోళన కొనసాగితే దానిని నిర్వహించడానికి మీ స్వంత గుర్తింపును కాపాడుకోవడం, భాగస్వామితో మంచి సంభాషణను కొనసాగించడం, మాట్లాడే లేదా ఏదైనా చేసే ముందు ఆలోచించడం వల్ల ఉపయోగాలు ఉంటాయి. ఒకవేళ ఇది ఇంకా సమస్యగా ఉంటే, ఒక థెరపిస్ట్ సహాయం చేయగలరని తెలుసుకుని వారితో చర్చించడం ఉత్తమం.