అవిసె గింజలు, ఆంగ్లంలో ఫ్లాక్ సీడ్స్, లిన్ సీడ్స్ అని కూడా పిలుస్తారు. అవిసె గింజల్లో అధికంగా ఒమేగా-3 కొవ్వు ఆమ్లాలు, లిగ్నాన్స్, ఫైబర్, ఇతర పోషకాలతో నిండి ఉండటం కారణంగా ఇవి ఎన్నో ఔషధ గుణాలను కలిగి ఉన్నాయి. ఇవి ప్రసిద్ధ ఆరోగ్య ఆహారంగా కూడా సాయపడనున్నాయి. క్యాన్సర్లను నివారించి, స్థూలకాయాన్ని నియంత్రించడంతో పాటు చెడు కొలెస్ట్రాల్ ను తగ్గించి.. బ్లడ్ ప్రెజర్ నియంత్రించి.. గుండె అరోగ్యానికి రక్షణ కవచంలా పనిచేస్తాయి. వీటిని వేయించి తినడంతో పాటు పోడిగా చేసుకుని అల్పాహారంలో చట్నీలకు ప్రత్యామ్నాయంగా వినియోగించుకోవచ్చు. స్మూతీలలో, పాన్ కేక్ లతో పాటు ఇతర ఆహారాలతోనూ జోడించి తీసుకోవచ్చు. వీటిని తీసుకోవడం అంటే ఆరోగ్యంగా ఉండడమే అని చెప్పవచ్చు. అవిసె గింజల వల్ల కలిగే అనేక ఆరోగ్య ప్రయోజనాలను ఓసారి పరిశీలిద్దాం.

అవిసె గింజల్లో ఇమిడివున్న అనేక పోషకాలు: Flaxseed loaded with Nutrients

అవిసె గింజలు ప్రపంచంలోని పురాతన పంటలలో ఒకటి. వీటిలో స్వర్ణవర్ణంతో పాటు చాక్లెట్ వర్ణంలో ఉండే రెండు రకాలు ఉన్నాయి. కాగా మన దేశంలో మాత్రం ఎక్కువగా చాక్లెట్ వర్ణంలోని అవిసెలు లభిస్తాయి. కాగా, రెండూ రకాలలోనూ సమానమైన పోషక విలువలు ఉన్నాయి. కేవలం ఒక సర్వింగ్ చాలా ముఖ్యమైన విటమిన్లు, మినరల్స్‌తో పాటు ప్రోటీన్, ఫైబర్, ఒమేగా-3 కొవ్వు ఆమ్లాలను మంచి మొత్తంలో మనకు అందిస్తుంది. వీటిలో ఉన్న పోషకాల చూద్దామా..

ఒక టేబుల్ స్పూన్ (7గ్రా) అవిసె గింజలలో:

• కేలరీలు: 37
• పిండి పదార్థాలు: 2 గ్రాములు
• కొవ్వు: 3 గ్రాములు
• ఫైబర్: 2 గ్రాములు
• ప్రోటీన్: 1.3 గ్రాములు
• థియామిన్: రోజువారీ విలువలో 10శాతం
• రాగి: రోజువారీ విలువలో 9 శాతం
• మాంగనీస్: రోజువారీ విలువలో 8 శాతం
• మెగ్నీషియం: రోజువారీ విలువలో 7 శాతం
• భాస్వరం: రోజువారీ విలువలో 4 శాతం
• సెలీనియం: రోజువారీ విలువలో 3 శాతం
• జింక్: రోజువారీ విలువలో 3 శాతం
• విటమిన్ B6: రోజువారీ విలువలో 2 శాతం
• ఇనుము: రోజువారీ విలువలో 2 శాతం
• ఫోలేట్: రోజువారీ విలువలో 2 శాతం

అవిసె గింజలో ముఖ్యంగా థయామిన్ అధికంగా ఉంటుంది, ఇది శక్తి, జీవక్రియ, కణాల పనితీరులో కీలక పాత్ర పోషిస్తుంది. ఇందులో రాగి కూడా ఉండటంతో మెదడు అభివృద్ధి, రోగనిరోధక ఆరోగ్యం, ఇనుము జీవక్రియలో పాల్గొంటుంది. ఒక్క మాటలో చెప్పాలంటే అవిసె గింజలు ప్రోటీన్, ఫైబర్, ఒమేగా-3 కొవ్వు ఆమ్లాలు, థయామిన్, రాగితో సహా అనేక పోషకాలతో కూడినది.

అవిసెల్లో అధికంగా ఒమేగా-3 ఫ్యాటీ యాసిడ్స్ Flaxseed high in Omega-3 Fatty Acids

అవిసె గింజలలో ఒమేగా-3 కొవ్వు ఆమ్లాలు ఉన్నాయి. ఒమోగా-3 అమ్లాలు కలిగిన మొక్కల ఆధారిత వనరులలో ఇది ఒకటి. మనిషి పూర్తి అరోగ్యానికి అవిసె గింజలు అవసరం. వీటిలో లినోలెనిక్ యాసిడ్ అనే ఒమేగా-3 కొవ్వు ఆమ్లాలు ఉన్నాయి. ఇది గుండె ఆరోగ్యానికి ఎంతో బలాన్ని చేకూర్చుతాయి. శరీరానికి అత్యంత అవసరమైన వీటిని మనం తీసుకునే ఆహారం నుండి పొందడం ఉత్తమం. ఇవి శరీరంలో వాపు మంటను తగ్గించడంలో సహాయపడతాయని, గుండె రక్తనాళాల్లోని కొలెస్ట్రాల్ జమకాకుండా నిరోధిస్తాయని అధ్యయనాలు సూచిస్తున్నాయి.

ఇటీవల 8,866 మంది వ్యక్తులతో జరిపిన ఒక అధ్యయనంలో లినోలెనిక్ యాసిడ్ తీసుకోవడం వల్ల కొలెస్ట్రాల్ స్థాయిలు తగ్గడంతో పాటు రక్తనాళాలను సన్నగా చేసే ఇస్కీమిక్ హార్ట్ డిసీజ్ ప్రమాదాన్ని కూడా తగ్గిస్తాయని వెల్లడైంది. దీంతో పాటు టైప్ 2 డయాబెటిస్ కూడా నియంత్రిస్తుందని అధ్యయనం పేర్కోంది. 34 అధ్యయనాలు కూడా లినోలెనిక్ యాసిడ్ తీసుకోవడం కారణంగా గుండె సంబంధిత ప్రమాదాలను నివారిస్తుందని స్పష్టంచేశాయి. ఒమేగా-3 ఫ్యాటీ యాసిడ్‌లు వాపును తగ్గిస్తాయి, రక్తపోటును నియంత్రిస్తాయి, గుండె జబ్బులు, స్ట్రోక్, మధుమేహం ప్రమాదాన్ని తగ్గిస్తాయి. మెదడు పనితీరు, మానసిక స్థితి నియంత్రణ, కంటి ఆరోగ్యంలో కూడా ఇవి కీలక పాత్ర పోషిస్తాయి.

అవిసెగింజలు క్యాన్సర్ ను నివారిస్తాయి Flaxseed help Protect against Cancer

అవిసె గింజలు క్యాన్సర్ ను నివారించడంలోనూ సాయం చేస్తాయి. అవిసెగింజల్లోని లిగ్నాన్స్ అనే అత్యంత సంపన్నమైన ఆహార వనరు ఉంది. ఇవి శరీరంలో క్యాన్సర్ కణాలకు వ్యతిరేకంగా పోరాడుతాయి. ఇది ఒక రకమైన ఫైటోఈస్ట్రోజెన్, ఇది రొమ్ము క్యాన్సర్ ప్రమాదాన్ని తగ్గిస్తుంది. లిగ్నన్స్ కూడా యాంటీ ఇన్ఫ్లమేటరీ, గుండె ఆరోగ్యాన్ని మెరుగుపరచడంలో, బోలు ఎముకల వ్యాధి ప్రమాదాన్ని తగ్గించడంలో, జీర్ణక్రియ ఆరోగ్యాన్ని మెరుగుపరచడంలో సహాయపడుతుంది. రుతుస్త్రావం ముగిసిన మహిళల్లో ఇది రోమ్ము క్యాన్సర్ రాకుండా రక్షిస్తుంది. అంతేకాదు అవిసెలు పెద్దపేగు, చర్మ, రక్త, ఊపిరితిత్తుల క్యాన్సర్ రాకుండా పరిరక్షిస్తుందని అధ్యయానల్లో వెల్లడైంది.

అవిసెలు గుండె ఆరోగ్యాన్ని అద్భుత ఔషధం Flaxseed help Protect against Cardiac Issues

అవిసె గింజలు గుండె ఆరోగ్యానికి అద్భుతమైనవి. వాటిలోని ఆల్ఫా-లినోలెనిక్ యాసిడ, శరీరంలోని వాపును తగ్గించడంలో సహాయపడుతుంది. గుండె జబ్బులకు వాపు ప్రధాన కారణం. అవిసె గింజలను తీసుకోవడం వల్ల రక్తపోటు, కొలెస్ట్రాల్ స్థాయిలను తగ్గించడంలో సహాయపడుతుంది. గుండెలోని రక్తనాళ్లాల్లో ఫ్లాగ్ ఉత్పన్నం కాకుండా చూస్తాయి. అవిసె గింజలను తీసుకోవడం వల్ల గుండె జబ్బుల ప్రమాదాన్ని తగ్గించవచ్చని అనేక అధ్యయనాలు చెబుతున్నాయి.

అవిసె గింజల నూనె రోజు ఒక టేబుల్ స్పూన్ మేర క్రమం తప్పకుండా 12 వారాల పాటు తీసుకోవడం వల్ల రక్తపోటు తగ్గుతుందని, జర్నల్ ఆఫ్ న్యూట్రిషన్‌లో ప్రచురించిన ఒక అధ్యయనం పేర్కొంది. పరిధీయ ధమని వ్యాధితో బాధపడుతున్నవారిలో ఎండోథెలియల్ పనితీరు మెరుగుపరుస్తుందని స్పష్టం చేసింది. అవిసె గింజల వినియోగం అధిక కొలెస్ట్రాల్ ను తగ్గిస్తుందని యూరోపియన్ జర్నల్ ఆఫ్ క్లినికల్ న్యూట్రిషన్‌లో ప్రచురించబడిన అధ్యయనం పేర్కోంది. మంచి కొలెస్ట్రాల్ ను ఉంచుతూనే, చెడు కొలెస్ట్రాల్, ట్రైగ్లిజరైడ్స్ స్థాయిలను తగ్గింస్తుందని తెలిపింది. 12 వారాల స్వల్పకాలిక అధ్యయనంలో రోజుకు 30 గ్రాముల అవిసె గింజలు బిపిని తగ్గిస్తాయని వెల్లడించింది.

అధిక బరువును నియంత్రించే అవిసెలు Flax Seed help you Manage your Weight

అవిసె గింజలు తక్కువ కేలరీలు, ఫైబర్ అధికంగా ఉంటాయి, ఇవి బరువు తగ్గడానికి అద్భుతమైన ఆహారంగా మారుతాయి. ఫైబర్ కడుపు నిండిన అనుభూతిని కలిగిస్తుంది, ఇది భోజనం మధ్య అతిగా తినడం, చిరుతిండిని నిరోధించవచ్చు. అదనంగా, అవిసె గింజలను తీసుకోవడం జీవక్రియను పెంచడంలో సహాయపడుతుంది, ఇది క్యాలరీ బర్నింగ్‌ను పెంచుతుంది, బరువు తగ్గడంలో సహాయపడుతుంది.

అవిసె గింజలను తీసుకోవడం వల్ల బరువు తగ్గడాన్ని ప్రోత్సహించవచ్చని అనేక అధ్యయనాలు చెబుతున్నాయి. ఒక అధ్యయనంలో అవిసె గింజల తీసుకోవడం వల్ల ఆకలిని తగ్గించడంలో, సంపూర్ణత్వం భావాలను ప్రోత్సహించడంలో సహాయపడుతుందని కనుగొంది. ఇది కేలరీల తీసుకోవడం తగ్గడానికి దారితీస్తుంది. జర్నల్ ఆఫ్ న్యూట్రిషన్‌లో ప్రచురించబడిన మరొక అధ్యయనంలో అవిసె గింజల భర్తీ ఊబకాయం ఉన్నవారిలో శరీర బరువు, నడుము చుట్టుకొలతను తగ్గించడంలో సహాయపడుతుందని కనుగొంది.

అవిసెగింజలు కొలెస్ట్రాల్‌ను తగ్గిస్తాయి Flaxseed lower Cholesterol Levels

అవిసె గింజలు కొలెస్ట్రాల్ స్థాయిలను తగ్గించడంలోనూ సహాయపడతాయి. ముఖ్యంగా చెడు కొలెస్ట్రాల్‌ను తగ్గించడంలో సహాయపడతాయని అధ్యయనాలు వెల్లడిస్తున్నాయి. పెరిఫెరల్ ఆర్టరీ వ్యాధి ఉన్నవారిలో 1-నెలల అధ్యయనం ప్రకారం, రోజుకు 4 టేబుల్ స్పూన్లు (30 గ్రాములు) మిల్లింగ్ ఫ్లాక్స్ సీడ్ తినడం వల్ల చెడు కొలెస్ట్రాల్ స్థాయిలు 15 శాతం తగ్గాయని తేలింది. అధిక రక్తపోటు ఉన్న 112 మంది వ్యక్తులపై 12 వారాలపాటు జరిపిన అధ్యయనంలో ఇలాంటి ఫలితాలు వచ్చాయి.

ప్రతీరోజు 4 టేబుల్‌స్పూన్లు (30 గ్రాములు) అవిసె గింజలు తీసుకున్నవారిలో వారి ఎత్తుకు, వయస్సుకు తగినట్టుగా బరువు (బాడీ మాస్ ఇండెక్స్) సమతూల్యం చేయడంలోనూ దోహదపడిందని తెలిపింది. తద్వారా రక్తపోటు గణనీయంగా తగ్గడానికి దారితీసిందని నివేదించింది. అవిసెగింజల్లోని ఫైబర్ వల్ల ఈ ప్రభావం పడుతుంది. ఇది పిత్త లవణాలను బంధించడంతో.. వాటిని తిరిగి నింపడానికి, కొలెస్ట్రాల్ ను రక్తం లోంచి కాలేయంలోకి లాగబడుతుంది. ఫలితంగా కొలెస్ట్రాల్ స్థాయిలు పెరగకుండా చూస్తుంది. ఇందుకు అవిసెల్లోని అధిక ఫైబర్ కంటెంట్, ఒమేగా -3 కొవ్వు ఆమ్లాలే ప్రభావం చూపుతున్నాయి.

జీర్ణ ఆరోగ్యాన్ని రక్షణకవచం అవిసెలు Flax seed improves Digestive Health

అవిసె గింజలు ఫైబర్ అద్భుతమైన మూలం, ఇది జీర్ణ ఆరోగ్యాన్ని నిర్వహించడానికి అవసరం. ఫైబర్ ప్రేగు కదలికలను నియంత్రిస్తుంది, మలబద్ధకాన్ని నివారిస్తుంది. ఇది కడుపులో ప్రయోజనకరమైన బ్యాక్టీరియా పెరుగుదలను కూడా ప్రోత్సహిస్తుంది, ఇది జీర్ణక్రియను మెరుగుపర్చడంతో పాటు మొత్తం రోగనిరోధక పనితీరును పెంచుతుంది. అవిసె గింజలు మలబద్ధకాన్ని తగ్గించడానికి, గట్ ఆరోగ్యాన్ని మెరుగుపరచడంలో సహాయపడతాయని అధ్యయనాలు చెబుతున్నాయి.

జర్నల్ ఆఫ్ మెడిసినల్ ఫుడ్‌లో ప్రచురించబడిన ఒక అధ్యయనంలో అవిసె గింజల ఫైబర్ తీసుకోవడం పెద్దవారిలో మలబద్ధకాన్ని తగ్గించడంలో సహాయపడుతుంది. జర్నల్ ఆఫ్ న్యూట్రిషన్‌లో ప్రచురించబడిన మరొక అధ్యయనం ప్రకారం, అవిసె గింజల వినియోగం కడుపులో ప్రయోజనకరమైన బ్యాక్టీరియా సంఖ్యను పెంచడంలో సహాయపడుతుందని, ఇది మొత్తం జీర్ణ ఆరోగ్యాన్ని మెరుగుపరుస్తుంది.

వాపును, మంటను తగ్గించే అవిసెగింజలు Flax Seed reduces Inflammation

అవిసె గింజలు ఆల్ఫా-లినోలెనిక్ యాసిడ్ కు అద్భుతమైన మూలం. ఇది శరీరంలో వాపును, మంటను తగ్గించడంలో సహాయపడుతుంది. గుండె జబ్బులు, మధుమేహం క్యాన్సర్‌తో సహా అనేక దీర్ఘకాలిక వ్యాధుల అభివృద్ధిలో దీర్ఘకాలిక వాపు, మంట ప్రధాన అంశం. అవిసె గింజలను తీసుకోవడం వల్ల ఇన్ఫ్లమేషన్ మార్కర్లను తగ్గిస్తుంది. వీటిలోని యాంటీ ఇన్ఫ్లమేటరీ గుణాలు శరీరంలో మంటను తగ్గించడంలో సహాయపడతాయి. అవిసె గింజల్లో ఉన్న ఒమేగా-3 ఫ్యాటీ యాసిడ్‌లు, లిగ్నాన్స్, ఇతర సమ్మేళనాలు శరీరంలో ఇన్‌ఫ్లమేటరీ సైటోకిన్‌ల ఉత్పత్తిని తగ్గిస్తాయి.

అవిసెలు చర్మ ఆరోగ్యాన్ని మెరుగుపరుస్తాయి Flax Seed improves Skin Health

అవిసె గింజలలో యాంటీఆక్సిడెంట్లు పుష్కలంగా ఉంటాయి, ఇది ఫ్రీ రాడికల్స్ వల్ల కలిగే నష్టం నుండి చర్మాన్ని రక్షించడంలో సహాయపడతాయి. ఫ్రీ రాడికల్స్ అస్థిర అణువులు, ఇవి చర్మ కణాలను దెబ్బతీస్తాయి, అకాల వృద్ధాప్యం, ముడతలు, గీతలకు దారితీస్తాయి. అదనంగా, అవిసె గింజలలోని ఒమేగా -3 కొవ్వు ఆమ్లాలు చర్మ హైడ్రేషన్‌ను మెరుగుపర్చి వాపును తగ్గించడంలో సహాయపడతాయి, ఇది మొత్తం చర్మ ఆరోగ్యాన్ని మెరుగుపరుస్తుంది.

ఫ్లాక్స్ సీడ్స్ తీసుకోవడం వల్ల చర్మ ఆరోగ్యం మెరుగుపడుతుందని అనేక అధ్యయనాలు చెబుతున్నాయి. బ్రిటీష్ జర్నల్ ఆఫ్ న్యూట్రిషన్‌లో ప్రచురించబడిన ఒక అధ్యయనంలో అవిసె గింజల నూనెను తీసుకోవడం వల్ల చర్మ హైడ్రేషన్‌ను మెరుగుపరుస్తుంది, మహిళల్లో చర్మం కరుకుదనాన్ని తగ్గిస్తుంది. జర్నల్ ఆఫ్ కాస్మెటిక్ డెర్మటాలజీలో ప్రచురించబడిన మరొక అధ్యయనంలో, అవిసె గింజల నూనె చర్మ స్థితిస్థాపకతను మెరుగుపరచడానికి, రుతుక్రమం ఆగిపోయిన మహిళల్లో ముడతల రూపాన్ని తగ్గించడంలో సహాయపడుతుంది.

చక్కెర స్థాయిలను స్థిరీకరించే అవిసెలు Flax Seed stabilize your Blood Sugar Levels

అవిసె గింజలు రక్తంలో చక్కెర స్థాయిలను స్థిరీకరిస్తాయి. రక్తంలో చక్కెర నియంత్రణను ప్రోత్సహించడంలోనూ సహాయపడుతుంది. 25 అధ్యయనాల సమీక్ష ప్రకారం, మొత్తం ఫ్లాక్స్ సీడ్ రక్తంలో చక్కెరను తగ్గిస్తుంది, ఇన్సులిన్ నిరోధకతను నిరోధిస్తుంది, ఇది రక్తంలో చక్కెర స్థాయిలను సమర్థవంతంగా నియంత్రించే శరీర సామర్థ్యాన్ని బలహీనపరుస్తుంది. ఈ విత్తనాల్లోని కరిగే ఫైబర్ బ్లడ్ షుగర్ ను తగ్గించే ప్రభావం కలిగినది.

కరిగే ఫైబర్ రక్తంలో చక్కెర శోషణను తగ్గిస్తుంది, ఇది రక్తంలో చక్కెర స్థాయిలను తగ్గిస్తుంది. అలాగే, టైప్ 2 డయాబెటిస్ ఉన్నట్లయితే అవిసె గింజలు ప్రత్యేకంగా సహాయపడవచ్చు. రక్తంలో చక్కెర నియంత్రణ కోసం అవిసె గింజల ప్రయోజనాలు అవిసె గింజల నూనె కంటే ఎక్కువగా అవిసె గింజలకు వర్తిస్తాయి. ఎందుకంటే అవిసె గింజల నూనెలో లేని ఫైబర్ అవిసె గింజలలో మాత్రం పుష్కలంగా ఉండటమ ఇందుకు కారణం.

మెదడు ఆరోగ్యాన్ని మెరుగుపర్చే అవిసెలు Flax Seed improves Brain Health

అవిసె గింజలు మెదడు ఆరోగ్యాన్ని మెరుగుపరచడంలో సహాయపడతాయి. మెదడులో దీర్ఘకాలిక మంట అనేది అభిజ్ఞా క్షీణత, నాడి సంబంధిత రుగ్మతలతో ముడిపడింది. అవిసె గింజలలోని ఒమేగా-3 కొవ్వు ఆమ్లాలతో పాటు ఆల్ఫా లినోలెనిక్ యాసిడ్ ఈ రుగ్మతలు నివారించే గుణం కలిగివుంది. దీంతో మెదడు అభిజ్ఞా పనితీరును మెరుగుపరుస్తాయి. మెదడుకు రక్త ప్రసరణను మెరుగుపర్చి జ్ఞాపకశక్తి అద్భుతంగా కొనసాగేలా చేస్తుంది. ఈ గింజలు న్యూరోప్రోటెక్టివ్ ప్రభావిత లక్షణాలు కలిగిన కాంపౌండ్లను కలిగివున్న కారణంగా మెదడు కణాలు దెబ్బతినకుండా రక్షిస్తాయి. దీంతో వయస్సు-సంబంధిత అభిజ్ఞా క్షీణత ప్రమాదాలు దరిచేరకుండా చేయడంతో పాటు న్యూరో డెజెనరేటివ్ వ్యాధుల ప్రమాదాన్ని కూడా తగ్గిస్తాయి.

రుతుక్రమం ఆగిన లక్షణాలను చెక్ పెట్టే అవిసెగింజలు Flax Seed Benefits for Menopausal Women

అవిసె గింజలు రుతుక్రమం ఆగిన లక్షణాలను మెరుగుపరచడంలో సహాయపడతాయి. ముఖ్యంగా వేడి ఆవిర్లు మరియు రాత్రి చెమటలు. ఎందుకంటే అవిసె గింజలలోని లిగ్నన్స్ లో ఒక రకమైన ఫైటోఈస్ట్రోజెన్ అధికంగా ఉన్న కారణంగా ఇవి శరీరంలోని ఈస్ట్రోజెన్ ప్రభావం చూపే హార్మోన్ స్థాయిలను సమతుల్యం చేయడంలో సహాయపడతాయి, ఇది రుతుక్రమం ఆగిన లక్షణాల తీవ్రతను తగ్గిస్తుంది. అంతేకాదు రుతువిరతి కలిగిన మహిళల్లో కనిపించే బోలు ఎముకల వ్యాధిని కూడా అవిసెలు నివారిస్తాయి. అవిసెల్లోని కాల్షియం, మెగ్నీషియం, ఇతర ఖనిజాలు అధిక మొత్తంలో ఉన్నందున ఎముకల సాంధ్రతను మెరుగుపరుస్తాయి.

అవిసె గింజలను ఆహారంలో ఎలా జోడించుకోవాలి: Tips for Adding Flaxseed to your Diet

రోజువారి ఆహారంలో అవిసె గింజలను జోడించడం ఆరోగ్యప్రదం. అయితే ఏదైనా మితంగా వాడితే ఉత్తమ ఫలితాలు అందిస్తాయి. అంతకుమించితే గ్యాస్, అజీర్తిలకు కారణం కాగలదు. ఇక అవిసె గింజలను రోజువారీ అహారంలో ఎలా చేర్చుకోవాలో ఇక్కడ కొన్ని చిట్కాలు ఉన్నాయి.

అవిసెగింజల పోడి: అవిసె గింజలను వేయించి.. తగినంత ఉప్పు, ఎండు మిరపకాలు వేసి గ్రైండ్ చేసుకోవడంతో చక్కని పోడి వస్తుంది. దీనిని ఎయిర్ టైట్ కంటైనర్లో భద్రపర్చుకుని.. రోజు అల్పాహారంతో పాటు చపాతీలకు జోడించుకుంటే మంచి కాంబినేషన్. వేసవిలో మజ్జిగలోనూ ఈ పోడిని కలుపుకుని తీసుకోవచ్చు.

వేయించిన అవిసెలు: అవిసెలను వేయించి.. అందులో కొన్ని ఇతర (కర్భూజ, గుమ్మడి) పలుకులను కూడా జోడించి.. రెండు టీ స్పూన్ ల మోతాదులో ప్రతీరోజు తీసుకోవడం ఆరోగ్యప్రదం.

అవిసెగింజల నూనె: కోల్డ్ ప్రెస్సింగ్ ప్రక్రియ ద్వారా అవిసె గింజల నూనె ఉత్పత్తి చేయబడుతుంది. ఈ నూనె వేడి, కాంతికి దూరంగా ఉంచాలి. అందుకనే పెద్దలు దీనిని ముదురు గాజు సీసాలలో ఉంచి.. వంటగదిలోని చీకటి, చల్లని ప్రదేశంలో నిల్వ చేసేవారు. కాగా, ఈ నూనెను అధిక వేడితో చేసే వంటలకు వినియోగించేవారు కాదు. అవిసె గింజల నూనెలో ఎక్కువ ఆల్ఫా-లినోలెనిక్ యాసిడ్ ఉందని గమనించాలి. కేవలం 1 టేబుల్ స్పూన్ నూనెలో 1.6 గ్రాముల ఆల్ఫా-లినోలెనిక్ యాసిడ్ ఉంటుంది.

అవిసె గింజలతో చేసే పలు వంటకాలు: Some Recipes that include Flax Seeds:

అవిసె గింజలను కలిగి ఉన్న కొన్ని వంటకాలు ఇక్కడ ఉన్నాయి:

• అవిసె గింజల స్మూతీ: 1 కప్పు తియ్యని బాదం పాలు, 1 పండిన అరటిపండు, 1 టేబుల్ స్పూన్ అవిసె గింజలు, 1 టేబుల్ స్పూన్ బాదం వెన్న, కొన్ని ఐస్ క్యూబ్‌లను మెత్తగా అయ్యే వరకు కలపండి. చక్కని అవిసె గింజల స్మూతీ రెడీ. మిక్స్‌లో బెర్రీలు, ఇతర పండ్లను కూడా జోడించవచ్చు.
• అవిసె గింజల క్రాకర్స్: 1 కప్పు అవిసె గింజలు, 1/4 కప్పు బాదం పిండి, 1/4 కప్పు నీరు, 1/2 టీస్పూన్ ఉప్పు, నచ్చిన మసాలా దినుసుల పొడి కలపండి. మిశ్రమాన్ని 1/8 అంగుళాల మందంగా ఉండే వరకు రెండు పార్చ్‌మెంట్ పేపర్‌ల మధ్య రోల్ చేయండి. ఇప్పుడు వాటిని మీకు నచ్చినట్టుగా కట్ చేసుకోండి. లేదా స్వేర్, రెక్టాంగిల్ గా కట్ చేసి 325°ఎఫ్ వద్ద 20-25 నిమిషాలు వరకు బేక్ చేస్తే కరకరలాడే క్రాకర్స్ రెడీ.
• అవిసె గింజల బ్రెడ్: 1 కప్పు గ్రౌండ్ ఫ్లాక్స్ సీడ్, 1/2 కప్పు బాదం పిండి, 1/4 కప్పు సైలియం పొట్టు, 1 టేబుల్ స్పూన్ బేకింగ్ పౌడర్, 1/2 టీస్పూన్ ఉప్పు కలపండి. 4 గుడ్లు, 1/4 కప్పు కరిగించిన కొబ్బరి నూనెలో బాగా కలిసే వరకు కొట్టండి. రొట్టె పాన్‌ చుట్టూర బాగా నూనెతో రాసిన తరువాత అందులో ఈ మిశ్రమాన్ని పోసి 350°ఎఫ్ వద్ద 45-50 నిమిషాలు బేక్ చేస్తే బ్రెడ్ రెడి. ఇక బ్రెడ్ రెడీ అయ్యిందా లేదా అని చూసేందుకు మధ్యలో టూత్‌పిక్ చోప్పించి తీయండి. శుభ్రంగా వస్తే ఉడికినట్టు.
• అవిసె గింజలతో ఆమ్లెట్: ఓవెన్‌ను 350°ఎఫ్ వరకు వేడి చేయండి. ఒక గుడ్డును పగలగొట్టి.. దానిపై ఒక టీస్పూన్ అవిసె గింజలను చల్లుకోండి. 7-10 నిమిషాలు పాటు కాల్చడంతో అవిసె గింజల ఆమ్లెట్ రెడి.
• అవిసె గింజల యోగర్ట్: పెరుగును ఓ గ్లాస్ లో వేసి.. అందులో అవిసె గింజలతో పాటు బెర్రీలు వేసి బాగా కలుపుకుంటే అవిసెల పెరుగు రెడి. అదనపు తీపి కోసం తేనె లేదా మాపుల్ సిరప్‌తో జోడించండి.

అవిసె గింజలో ఒమేగా-3 కొవ్వు ఆమ్లాలు, ఫైబర్, లిగ్నాన్స్ వంటి ప్రయోజనకరమైన కాంపౌండ్ల పోషకాలు ఉన్నాయి. ఇవి అనేక ఆరోగ్య ప్రయోజనాలను కలిగి ఉంటాయి. ఈ చిన్న విత్తనం జీర్ణ ఆరోగ్యాన్ని మెరుగుపరుస్తుంది, కొన్ని రకాల క్యాన్సర్ల నుండి మనల్ని రక్షిస్తుంది, రక్తంలో చక్కెర స్థాయిలను స్థిరీకరించడంతో పాటు రక్తపోటు, కొలెస్ట్రాల్ స్థాయిలను తగ్గిస్తుంది. ఈ బహుముఖ ప్రయోజనకరమైన, రుచికరమైన పదార్థాన్ని ఆహారంలో చేర్చుకోవడం కూడా సులభం, అరోగ్యకరం.