రోజుకో యాపిల్ పండును తీసుకుంటే వైద్యుడి అవసరమే ఉండదు అన్నది నానుడి. అంతటి అద్భుత పోషకాలతో నిండినది ఈ పండు. ఒక్క పండుతో అరోగ్యాన్ని కాపాడుకోవచ్చునని.. ఈ నానుడి వచ్చింది. ఆపిల్ పండు గురించి తెలుసు కానీ తాజాగా ఆపిల్ సైడర్ వెనిగర్ కూడా చక్కని అరోగ్య ప్రయోజనాలు కలిగి వుందన్న వార్తలు వినిపిస్తున్నాయి. అదే సమయంలో యాపిల్ సైడర్ వినగర్ తో అరోగ్యానికి ముప్పు కూడా వాటిల్లే ప్రమాదముందని కూడా పలు కథనాలు వెలువడుతున్నాయి. ఈ క్రమంలో యాపిల్ సైడర్ వినిగర్ అరోగ్య ప్రయోజనకారియే అయినా.. దానిని వల్ల ఎదురయ్యే ప్రమాదాల నేపథ్యంలో ప్రజల్లో దీనిని తీసుకోవాలా.? వద్దా అన్న సందిగ్ధత నెలకోంది. ఇదే సమయంలో ప‌బ్లిసిటీ వ‌ల్ల దానిపై ఆస‌క్తి పెరుగుతోంది. ఇది నిజంగా ఆరోగ్యానికి ఎంతటి మేలు చేస్తుందో.. అలాగే ఎలాంటి ముప్పులు కలిగివుందో ఈ కథనం ద్వారా తెలుసుకుందాం..

యాపిల్ జ్యూస్‌ని ఈస్ట్ తో ఫర్మెంటేషన్ చేయడం ద్వారా యాపిల్ సైడర్ వెనిగర్ తయారు చేస్తారు. ఈస్ట్ యాపిల్‌లోని చక్కెరను ఆల్కహాల్‌గా మారుస్తుంది. అప్పుడు బ్యాక్టీరియా జోడించబడుతుంది. ఈ ఆల్కహాల్ ఎసిటిక్ యాసిడ్‌గా మారుతుంది. దీంతో ఇది పోషకభరితంగానూ మారుతుంది. ఇందులో యాసిడ్స్‌ యాసిడ్ తో పాటు విటమిన్లు, మినరల్స్ కూడా ఇమిడిఉంటుంది. ఇది బరువు తగ్గడానికి ఎంతగానో దోహదపడుతుంది. ఈ మేరకు జంతువులు, మానవులపై చేసిన ప్రయోగాలు చక్కని ఫలితాలను కూడా వెలువరించాయి. అంతేకాదు కొలెస్ట్రాల్‌ను తగ్గించడానికి, రక్తంలో చక్కెర స్థాయిలను తగ్గించడానికి యాపిల్ సైడర్ వెనిగర్ ఉపయోగపడుతుందని తేలింది. కానీ, రోజూ ఎంతకాలం ఉపయోగించవచ్చు? దీర్ఘకాలిక ఉపయోగం ఆరోగ్య సమస్యలకు తగినంతగా అధ్యయనం చేయలేదు. అయితే యపిల్ సైడర్ వెనిగర్ తో ఆరోగ్య ప్రయోజనాలను ఇప్పుడోకసారి చూద్దం…

కొలెస్ట్రాల్‌పై ఆయుధం

ఆపిల్ సైడర్ వెనిగర్ రక్తంలోని చెడు కొలెస్ట్రాల్ అయిన LDL మరియు ట్రైగ్లిజరైడ్స్‌ను తగ్గిస్తుంది. మానవులు మరియు జంతువులలో ఈ విషయంలో చేసిన ప్రయోగాలు ఈ నిర్ధారణకు వచ్చాయి.

యాంటీ మైక్రోబియల్

ఆపిల్ సైడర్ వెనిగర్ సూక్ష్మజీవులను చంపే సామర్థ్యాన్ని కలిగి ఉంటుంది. ఇ-కోలి వంటి ప్రమాదకరమైన బ్యాక్టీరియాను కూడా తగ్గించగలదని ఇటీవలి సర్వేలు చెబుతున్నాయి.

బరువు తగ్గడం

ఆపిల్ సైడర్ వెనిగర్ కి బరువు తగ్గడానికి ప్రత్యక్ష సంబంధం లేదు. కానీ ఇది తీసుకున్నప్పుడు కడుపు ఖాళీ కావడానికి చాలా సమయం పడుతుంది. దీని వల్ల శరీరం ఎక్కువగా గ్లూకోజ్‌ను వినియోగించుకుంటుంది. ఇవన్నీ బరువు తగ్గడానికి పరోక్షంగా సహాయపడతాయి.

జీర్ణశయాంతర సమస్యలు

యాపిల్ సైడర్ వెనిగర్‌ను సహజంగా బరువు తగ్గించేందుకు సిఫార్సు చేస్తారు. అయితే ఇది ఆహారం కడుపు నుండి బయటకు వచ్చే సమాయాన్ని పెంచడంలో సహాయపడుతుంది, ఇది ఒక వ్యక్తి ఎక్కువసేపు తన కుడపు నిండిన అనుభూతిని కలిగించడం ద్వారా ఆకలిని అణిచివేస్తుంది. అయితే, కడుపులో ఆహారాన్ని ఉంచడం వల్ల అవాంఛిత దుష్ప్రభావాలు ఏర్పడతాయి. వినిగర్ ఆకలిని నియంత్రించగల సామర్థ్యాన్ని పరిశోధించిన అధ్యయనంలో పాల్గోన్న చాలామంది అల్పాహారంతో వెనిగర్ తాగిన తర్వాత వికారం, అజీర్ణం భావాలను నివేదించారు. ఆమ్లత్వం కారణంగా, పలచని యాపిల్ సైడర్ వెనిగర్ తాగడం వల్ల కడుపులో పుండ్లు లేదా యాసిడ్ రిఫ్లక్స్ వంటి జీర్ణ ఉత్పన్నమయ్యాయి.

ప్రమాదాలు..

గర్భిణీ స్త్రీలకు, పాలిచ్చే తల్లులకు ఆపిల్ సైడర్ వెనిగర్ సురక్షితమేనా లేదా అనేది ఇంకా తెలియదు. ఇది మరింత ఆమ్లంగా ఉంటుంది. పంటి ఎనామిల్ దెబ్బతింటుంది. తగినంత పలుచన లేకుండా తాగడం వల్ల దంతాల ఎనామిల్ కోతకు దారితీస్తుందని, ఇది ఎలుకలలో కావిటీస్‌కు దారితీస్తుందని పరిశోధకులు కనుగొన్నారు. అసిడిటీ ఎక్కువగా ఉన్నందున, దానిని నీటితో కరిగించాలి. లేదా మీరు మీ గొంతులో అసౌకర్యాన్ని అనుభవించవచ్చు. ఒక చెంచా ఆపిల్ సైడర్ వెనిగర్ ని ఒక గ్లాసు నీటిలో కలిపి, భోజనానికి 15-20 నిమిషాల ముందు తీసుకుంటే ఫలితం ఉంటుంది.
ఆపిల్ సైడర్ వెనిగర్ కారణంగా కొంతమందికి అజీర్ణం వచ్చే అవకాశం ఉంది. అజీర్ణం ఆకలి మరియు ఆహారం తీసుకోవడం తగ్గిస్తుందని కనుగొనబడింది. రోజుకు 25 గ్రాములు తీసుకున్న వారు తక్కువ ఆకలిని నివేదించారు. ఎసివిని ఎక్కువ మోతాదులో ఎక్కువ సేపు తీసుకుంటే రక్తంలో పొటాషియం తగ్గి ఎముకల క్షీణత ఏర్పడుతుందని ఒక అధ్యయనంలో తేలింది. 28 ఏళ్ల మహిళ ఆరేళ్లపాటు రోజూ 250 mL డైల్యూటెడ్ ఆపిల్ సైడర్ వెనిగర్ తీసుకున్న తర్వాత తక్కువ పొటాషియం కారణంగా ఆసుపత్రి పాలైంది. ఆపిల్ సైడర్ వెనిగర్ వల్ల కూడా ఎముకల వ్యాధి రావచ్చు.

జాగ్రత్తలు

మీరు ఒక గ్లాసు నీటిలో ఒకటి లేదా రెండు చెంచాల ఆపిల్ సైడర్ వెనిగర్ ని జోడించి తాగడం ప్రారంభించవచ్చు. దీని తర్వాత నోటిని శుభ్రంగా కడుక్కోవాలి. ఆపిల్ సైడర్ వెనిగర్ తీసుకోవడం ప్రారంభించిన తర్వాత జీర్ణ సమస్యలు సంభవిస్తే, రోజుకు ఒక చెంచాకు పరిమితం చేయండి. అలెర్జీ సమస్యలు సంభవించినట్లయితే, తీసుకోవడం ఆపివేసి వైద్యుడిని సంప్రదించండి.